Hramadstva 23 23

Stanisłaŭ Pokuć

05.06.2026 / 23:02

Łukašenka ŭ Hrodnie zhadaŭ pra Cichanoŭskuju va Ukrainie i raskazaŭ pra ciažkuju dolu biełaruskich daktaroŭ na Zachadzie

Alaksandr Łukašenka padčas pajezdki ŭ Hrodna 5 červienia adkryŭ tam novuju abłasnuju kliničnuju balnicu i z hetaj nahody papužaŭ miascovych daktaroŭ niebiaśpiekaj vajny, a taksama raskazaŭ, jak biadujuć ich kalehi ŭ Jeŭropie.

Alaksandr Łukašenka. Fota: AP Photo Pavel Bednyakov, Pool

Łukašenka raskazaŭ, što raźviedka jamu dałažyła, što padčas vizitu Śviatłany Cichanoŭskaj va Ukrainu jana nibyta skazała Uładzimiru Zialenskamu, što «ŭ nas jość što vam prapanavać — našy biełarusy». Pavodle traktoŭki Łukašenki, heta aznačaje, što «my pavinny pajści za čužuju volu vajavać va Ukrainu», «miasnym faršam tam być».

Alaksandr Łukašenka časta i navat čaściej za ŭsio abo chłusić u takich zajavach, abo naŭmysna pierakručvaje sens słovaŭ svaich palityčnych praciŭnikaŭ. «Naša Niva» pakul nie znajšła i takich słovaŭ Śviatłany Cichanoŭskaj. U adkrytych krynicach znachodzicca jaje cytata z zusim inšym sensam: «My padtrymlivajem ukrainskuju armiju i hatovyja ŭdzielničać u adnaŭleńni Ukrainy. My hatovyja ŭnieści svoj układ u raźminiravańnie, adnaŭleńnie infrastruktury, padzialicca našymi lepšymi praktykami i dapamahčy ŭ raspracoŭcy prahram reabilitacyi. Našy IT-śpiecyjalisty hatovyja dzialicca technałohijami dla abarony ŭkrainskaj demakratyi. Naša dyjaspara pa ŭsim śviecie hatova prynieści svoj dośvied i enierhiju dla adnaŭleńnia Ukrainy».

Łukašenka taksama skazaŭ, što zadaŭ pytańnie svaim padnačalenym, ci chočuć biełaruskija daktary jechać na pracu ŭ Polšču, ale tyja nibyta zapeŭnili Łukašenku, što jakraz ciapier poŭnym chodam pajšoŭ advarotny praces:

«Nie, kažuć, užo nazad chočuć viarnucca. My heta adčuvajem. Ja heta baču pa našaj kamisii, tudy ŭžo źviartajucca źbiehłyja, u tym liku daktary i nastaŭniki. A čamu nazad viartajeciesia? Vy ž tudy pa zarobki pajechali i inšaje. Čužyja!

Kali łaska, my vas prymiem, posud myć ci jašče niešta. Raschodniki-adchodniki hetyja, jak u daktaroŭ, vynosić śmietnicy i inšaje. «My daktary, my pracavać chočam». Nie, daktary ŭ nas tut svaje jość. A vy pakul voś tam.

Viartajucca nazad. Ja nie kažu, što heta kiepskija ludzi. U asnoŭnym heta niebłahija byli daktary. Źjeździli, stracili čas, stracili hrošy, niekatoryja siemji svaje stracili. Što atrymali?»

Paśla hetaha jon staŭ pierakonvać sabranych, što na Zachadzie «nikomu my nie patrebnyja», a «patrony padnosić — možna i tut hetym zajmacca».

Čytajcie jašče

Kamientary23

Sčietovod

05.06.2026

Kto-to prijezžajet, kto-to ujezžajet, no saldo otricatielnoje: było bolšie 10 millionov v 94, siejčas v priediełach 8, a s Kolej ostanietsia 4 k koncu stoletija
pacijent

05.06.2026

Hdie doktora jesť? V klinikie dla činovnikov Abielskoj? Tak nikto i nie somnievajetsia, čto dla lečienija svojej škury sobrali łučšich doktorov. A čto v stranie diełajetsia? Niechvatka vračiej, a hdie jesť, to odna mołodioż pośle vuza u kotorych nikakoho opyta. V poliklinikie travmatołohi i chirurhi vsie pośle instituta, v obłastnych tožie samoje, odni juncy, kotoryje ničieho nie znajut. U ludiej prosto niet vybora, poka eti juncy budut lečiť, to zahniošsia ot kuči łožnych diahnozov, a konsultaciju opytnoho vrača połučiť niehdie. I vieśma charaktierno, čto prodołžajet nazyvať ludiej biehłymi, kak nazyvali pomieŝiki kriepostnych, kotoryje biežali ot žiestokosti pomieŝikov. Nu to jesť kakoje otnošienije u etoho fieodała k narodcu dumaju poniatno. Kak voobŝie vozmožno, čto eto suŝiestvo pravit hosudarstvom v 21m viekie v cientrie Jevropy. Hosudarstvom s mirolubivym i trudolubivym narodom. Umu niepostižimo.
Ajnene

05.06.2026

Saša Sipatyj opiať šarmanku zavieł. Vyjdi užie nakoniec iz komy i pojmi, svobodnyje ludi žiť v tvojem koncłahierie nie budut! Dietiej v łukajuhiend otdavať nie budut, smotrieť tvoich turov i hov**vozčikov nie budut. U tiebia užie niezvatka profieśsionałov, a tolko karajevy i turčiny. Vsie, tiebie kabzdiec. I nie vierit tiebie nikto, dažie tvoi s**kalizy.

[Zredahavana]

Ciapier čytajuć

Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier

Na Kamaroŭcy źjaviłasia pieršaja biełaruskaja maładaja bulba

Žurnalist Ivašyn šosty raz sustrakaje dzień narodzinaŭ u niavoli

U biełaruskim karšerynhu jeździać aŭto na rasijskich numarach. Heta ŭvohule narmalna?

U «ŁNR» uviali zabaronu na trasie, što viadzie ŭ Krym

Ukraina siońnia ŭnačy naniesła ŭdary pa naftabazie ŭ Vuść-Łabinsku ŭ Krasnadarskim krai, pa porcie Maryupala

Vy taksama časta čujecie huł u vušach, jakoha inšyja nie čujuć? Navukoŭcy znajšli tłumačeńnie1 1

50 čałaviek jechali na hruzaviku praz pustyniu Sachara. Hruzavik złamaŭsia, i amal usie pamierli ad smahi

U Brazilii 37‑hadovaja žančyna vydavała siabie za 12‑hadovuju i traplała ŭ pryjomnyja siemji, dzie žyła za čužy košt1 1