Łukašenka zaklikaŭ Armieniju być akuratnaj. «Kab nie paŭtaryć toje, što adbyłosia va Ukrainie»
Dahetul na samicie ŭ Astanie Uładzimir Pucin namiakaŭ na budučyja prablemy ŭ Armienii, kali jana budzie zbližacca ź ES.
Alaksandr Łukašenka, adkazvajučy na pytańni žurnalistaŭ paśla samitu JEAES u Astanie, paraiŭ Armienii być akuratnaj pry vybary pamiž JEAES i ES, piša BiełTA.
«My nie ciśniem na narod, tym bolš, my ž razumiejem, što tut hulnia palityčnaja — zaŭtra vybary ŭ Armienii (7 červienia ŭ Armienii projduć parłamienckija vybary. — NN). Naturalna, heta kruciać-muciać pad vybary. Ale kiraŭnictva Armienii daremna tak pastupaje. Heta dachodzić da prynižeńnia Jeŭrazijskaha ekanamičnaha sajuza».
«Armianam treba być vielmi akuratnymi, kab, barani boža, nie paŭtaryć toje, što adbyłosia va Ukrainie… Va Ukrainie ŭsio roŭna tak pačynałasia. Vy heta pamiatajecie, — zajaviŭ Łukašenka. — Kab jany, armianie, jakija tolki što vyjšli z adnoj vajny, nie trapili ŭ ciažkuju situacyju ŭ suviazi z hetym. Nie treba śpiašacca. Treba prosta padumać, treba być mudrymi ludźmi».
Łukašenka panarakaŭ, što jeŭrapieŭcy «naabiacali cełuju kuču» Armienii.
«Choć my nie čuli hetych abiacańniaŭ, byli tolki asudžeńni: «Biełaruś i Rasija takija-siakija». Viadoma, my nie daskanałyja, čaho tut kazać. Ale na siabie pahladzicie».
Dahetul na samicie ŭ Astanie Uładzimir Pucin namiakaŭ na budučyja prablemy ŭ Armienii, kali jana budzie zbližacca ź ES. «Kryzis va Ukrainie kaliści pačaŭsia sa sprob dałučeńnia da ES», — kazaŭ Pucin.
Łukašenka niervova prakamientavaŭ vizit Cichanoŭskaj u Kijeŭ
Łukašenka adkazaŭ Zialenskamu nakont 500 celaŭ u Biełarusi, namiečanych Ukrainaj
Kit Kiełah: Kali Łukašenka ŭstupić u vajnu z Ukrainaj — heta budzie jaho kaniec
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ
Ciapier čytajuć
35 maładych biełarusaŭ i biełarusak, za jakimi varta sačyć: apublikavany pieršy śpis Next 3524
Kamientary
----
pravilna. heta vaš - rasijski - dyktatar, jaho i tam - u rasii - i juzajcie. adčapiciesia tolki ad našaj respubliki