Pik aktyŭnaści klaščoŭ prypadaje na červień. Vakcynacyja źjaŭlajecca efiektyŭnym sposabam abarony ad kleščavoha encefalitu. Ale ci zrobiać jaje ciapier?
Standartny hrafik vakcynacyi patrabuje płanavańnia zahadzia: pieršuju dozu robiać u kastryčniku-listapadzie, a druhuju — zimoj ci ŭ pačatku viasny.
Heta nieabchodna, kab imunitet paśpieŭ sfarmavacca za 2 tydni da pačatku siezona aktyŭnaści nasiakomych, paviedamili BiełTa ŭ Ministerstvie achovy zdaroŭja.
Adnak zrabić pryščepku možna i letam, ale pry hetym varta ŭličvać nastupnyja ryzyki.
Pakul u arhaniźmie vypracoŭvajucca antycieły, čałaviek usio jašče zastajecca ŭraźlivym da infiekcyi.
Niama absalutnaj harantyi: navat poŭny kurs vakcynacyi nie daje 100%-j abarony i nie admianiaje nieabchodnaści vykonvać inšyja miery zaściarohi.
Asnoŭnyja praviły abarony na pryrodzie
Miedyki padkreślivajuć, što vykonvać praviły biaśpieki treba ŭsim, uklučajučy pryščeplenych ludziej.
Vybirajcie maksimalna zakrytaje adzieńnie śvietłych adcieńniaŭ — na im klašča zaŭvažyć značna praściej.
Hulajcie stroha pa darožkach i paźbiahajcie lažańnia na travie. Maleńkich dziaciej rekamiendujecca vieźci ŭ vazku abo nieści na rukach.
Abaviazkova vykarystoŭvajcie śpiecyjalnyja srodki (repielenty). Padčas i paśla prahułki rehularna ahladajcie siabie, dziaciej i svojskich žyvioł.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary