650 rubloŭ zamiest 12 tysiač. U Biełaruś pryvieźli novuju darahuju vakcynu — voś navošta jana patrebnaja
Pra RSV-virus mała chto viedaje, a jon moža być śmiarotna niebiaśpiečnym dla niemaŭlat i pažyłych ludziej. Chutka ŭ Biełarusi čakajuć ad jaho vakcynu — praŭda, jaje košt nie paraduje.
Reśpiratorna-sintycyjalny virus zakranaje lohkija, ale dla bolšaści ludziej źjaŭlajecca biaśpiečnym — prajaŭlajecca chiba što bolem u horle i kašlem. Ale ŭ niemaŭlat, pažyłych ludziej i ludziej z chraničnymi chvarobami RSV moža vyklikać surjoznyja prablemy. Usio praz asablivaści anatomii niemaŭlat i słaby imunitet ludziej z hetych katehoryj: u ich vypadku RSV chutka traplaje ŭ lohkija, dzie vyklikaje ciažkija branchity i pnieŭmanii. Sprava moža dajści da špitalizacyi, a časam i da śmierci.
Raniej, u listapadzie 2024-ha, u Biełaruś užo pryvozili srodak dla prafiłaktyki RSV-infiekcyi, ale heta była nie kłasičnaja vakcyna. «Sinahis» — leki dla pasiŭnaj imunizacyi dziaciej u hrupie ryzyki: jaho raili vykarystoŭvać niemaŭlatam da 6 miesiacaŭ, narodžanym nie paźniej za 35‑ty tydzień ciažarnaści, a taksama dzieciam da dvuch hadoŭ z peŭnymi chvarobami.
Kaštavaŭ «Sinahis» vielmi doraha. Adna jaho doza abychodziłasia baćkam u 2400 rubloŭ, a zrabić treba było piać pryščepak — to-bok za kurs treba było vykłaści 12 tysiač rubloŭ.
Ciapier, adnak, možna budzie sekanomić. U śniežni 2025‑ha Minzdaroŭja Biełarusi ŭchvaliła vykarystańnie vakcyny «Abrysvo» (Abrysvo). FDA, amierykanski orhan pa dopusku lekaŭ, uchvaliŭ «Abrysvo» na paŭtara hoda raniej, letam 2023-ha. Hetaj vakcynaj pryščaplajuć ciažarnych žančyn na terminie 24—36 tydniaŭ, a taksama ludziej va ŭzroście 60+.
24 červienia minski miedcentr «Mieddyjahnaz» paviedamiŭ u sacsietkach, što chutka tam čakajuć pastaŭku «Abrysvo». Prykładny košt pryščepki i kansultacyi — 648 rubloŭ, i chopić adnoj dozy. Jak piša telehram-kanał «Vakciny_Minsk», mahčyma, što «Abrysvo» pryviazuć na składy «Biełfarmacyi» i «Minskaj farmacyi».
«Naša Niva» — bastyjon biełaruščyny
PADTRYMAĆCiapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary