Mianiajuć praviły palavańnia — Šunievič choča palavać na badziažnych sabak i katoŭ
U krainie prapanujuć źmieny pra status badziažnych katoŭ i sabak. Padrabiaznaści pakul nie nazyvajucca, ale heta prapanova ad palaŭničych, i źmieny buduć istotnymi.
U Biełarusi pačali maštabnuju karekciroŭku praviłaŭ palavańnia i viadzieńnia palaŭničaj haspadarki. Praces uznačalvaje Ministerstva lasnoj haspadarki. Zaviaršyć pracu nad abnoŭlenym dakumientam płanujecca da 2027 hoda. Zaraz pastupiła kala 100 roznych prapanoŭ.
Adnym z klučavych inicyjataraŭ źmienaŭ vystupaje Biełaruskaje tavarystva palaŭničych i rybałovaŭ, jakoje nakiravała kala 20 svaich idej.
Siarod najbolš značnych — prapanova źmianić status biazdomnych sabak i badziažnych katoŭ, raskazaŭ kiraŭnik arhanizacyi Ihar Šunievič.
Šunievič nie raskryvaje padrabiaznaści prapanavanych źmien u praviłach palavańnia na sabak i košak, ale raskazaŭ, što biazdomnyja sabaki časta źbivajucca ŭ zhrai, z-za čaho ciarpić jak dzikaja pryroda, tak i sielskaja haspadarka.
Što Šunievič źbirajecca rabić z badziažnymi sabakami i koškami, nie nazyvajecca, ale, jak vynikaje, ź jaho słoŭ, heta buduć surjoznyja źmieny ŭ statusie badziažnych žyvioł i ŭ praviłach palavańnia.
«Źmianieńni mohuć być jak redaktarskimi, tak i bolš surjoznymi», — raskazvaje Šunievič. Źmieny pra status badziažnych žyvioł jon adnosić da druhich.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
u toj čas jak u cyvilizavanym śviecie sterylizujuć badziažnych žyviołak i adpuskajuć na volu,dyk hety sataniuha prydumaŭ varvarskuju ideju.
kab u ciabie ruki adsochli!
spadziajusia,vałanciory nie pakinuć biez uvahi hetyja zajavy