«Pacałavali bramu». Bieraściejcy raskrytykavali arhanizacyju siamiejnaha festu z Artik & Asti, arhanizavanaha «Savuškavym»
Kancert da 50‑hodździa kampanii «Savuškaŭ» u Breście čakali mnohija haradžanie. Ale častka hledačoŭ u vyniku zastałasia za płotam, ludzi taksama skardzilisia na ciskaninu.
Na svoj jubilej i da Dnia horada ŭ Breście «Savuškaŭ pradukt» zładziŭ užo tradycyjny fiestyval z konkursami i aktyŭnaściami dla dziaciej i baćkoŭ, fotazonami i kancertam.
Sioleta chedłajnieram mierapryjemstva staŭ papularny hurt Artik & Asti — pieršapačatkova ŭkrainski duet, jaki ciapier pracuje ŭ Rasii.
Mierapryjemstva było biaspłatnym, sa svabodnym uvachodam, i heta pa vyniku i pryviało da prablemy, bo za płot stadyjona pobač z parkam, dzie i razharnułasia viečarovaja častka prahramy, zmahli patrapić daloka nie ŭsie achvotnyja.
«My pryjechali ź inšaha horada ŭ kampanii z vaśmi čałaviek, adstajali ŭ čerhach vielizarnuju kolkaść času i pacałavali bramu», — padzialiłasia ŭražańniami ad arhanizacyi festu adna ź biełarusak.
Pa słovach vidavočcaŭ, achova pry hetym nijak nie sprabavała vyrašyć pytańnie.
«Heta była prosta žudasnaja ciskanina — niemahčyma było ni zajści, ni vyjści. Ja źviarnułasia da achovy z prośbaj razabracca ŭ tym, što adbyvajecca, na što ŭ adkaz pačuła: «Razvaročvajsia i sychodź». Ja patłumačyła, što fizična nie mahu vyjści z hetaha natoŭpu».
Adna z maleńkich naviedvalnic, pa słovach jaje maci, atrymała na miescy traŭmu: «Chłopiec sprabavaŭ praz padstrešak praleźci, i jaho AMAP zdymaŭ. U vyniku padčas zatrymańnia pavalili maju piacihadovuju dačku. Mieddapamoha, darečy, była tolki na stadyjonie. My doma, a zaŭtra ŭ špital».
«My stajali pieršymi i prachodzili praktyčna pieršymi, jak pačali puskać u 20, ale ŭžo tady praktyčna ŭsie miescy byli zaniatyja. I my nidzie nie sieli», — raskazvajuć tyja, chto zdoleŭ-taki trapić za płot. «Ale atrymlivajecca, što pieršymi zajšli pracaŭniki «Savuškava», a ŭsim inšym miesca ŭžo nie chapiła. Tak što heta kancert vyklučna dla supracoŭnikaŭ».
Niekatoryja ličać, što nastupstvaŭ i niehatyvu možna było b paźbiehnuć, kali b arhanizatary prapanavali anłajn-rehistracyju.
«My žyviom u 21 stahodździ. Možna arhanizavać anłajn-rehistracyju: chto paśpieŭ, toj i pajšoŭ na kancert. Śviata anansavałasia jak častka Dnia horada, a nie jak karparatyŭ dla nabližanych na vip-miescach la sceny.
Ja zaŭsiody dziŭlusia, jak chutka zabylisia ŭroki Niamihi… My stajali i nie razumieli, ci buduć puskać dalej, ci ŭžo ŭsio. Mała taho, kali adnoj dziaŭčynie stała drenna ŭ natoŭpie, jaje taksama nie prapuścili ŭnutr, supracoŭniki chutkaj ža da jaje nie pryjšli».
Inšyja ž miarkujuć, što pryjšoŭ čas vychodzić na bolš bujnyja placoŭki, kali «Savuškaŭ» płanuje dalej zaprašać papularnych artystaŭ: stadyjon źmiaščaje ŭsiaho try tysiačy čałaviek, i jaho ŭžo nie chapaje.
Chacia niekatoryja biełarusy zaŭvažyli, što častka terytoryi stadyjona zastavałasia niezapoŭnienaj, ale ludziej usio roŭna nie puścili. Isnuje mierkavańnie, što heta było zroblena ŭ metach biaśpieki padčas ahniavoha i łaziernaha šou.
Razam z tym častka haradžan, chto trapiŭ na kancert, byli zadavolenyja.
«Začynili bramu, mabyć, tamu što bolš hledačoŭ zapuskać było niebiaśpiečna. Siarod ludziej nie kala sceny byli zvyčajnyja žychary Bresta i hości. Miarkujučy pa tym, što navat pad zaprošanymi haściami kala sceny na poli lažała achoŭnaje pakryćcio, to jaho nielha było taptać. Impreza kłasnaja, prosta nie ŭsim pašancavała trapić», — stali na abaronu arhanizataraŭ niekatoryč hledačy.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma7
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
Na vsie sovietskije jubilei priot , śbivaja druh druha , sšibaja vsio na svojom puti , łomaja ruki i nohi , topča hazony .
I vsio dla toho , čtoby choť odnim hłazkom hlanuť na konciert ,,źviozd,,
Značeńnie i pachodžańnie
• Praboj — heta mietaličnaja dužka ci piatla na dźviarach, u jakuju ŭstaŭlajecca zamok abo klamka.
• Vyraz uźnik u narodnym pobycie: kali čałaviek prychodzić u hości ci da kahości pa spravach, a doma nikoha niama i dźviery začynienyja na zamok, jamu prychodzicca «całavać praboj» i viartacca nazad.
Padobnyja vyrazy
• Pacałavać klamku.
• Pacałavać zamok.
• Zvaročvańnie ni z čym.