U rasijskim Chabaraŭsku biasśledna źnik 43‑hadovy biełarus Raman Krupa, jaki pryjechaŭ na Daloki Uschod z Mazyra na pracoŭnuju vachtu.
Jak piša kanał «Dierzkij Chabarovsk», niekalki dzion tamu mužčynie stała drenna, i jon źviarnuŭsia pa dapamohu ŭ miascovuju kliniku.
Adnak doktar nie znajšoŭ padstaŭ dla špitalizacyi i adpuściŭ jaho. Paśla taho jak biełarus vyjšaŭ z balnicy na vulicu, jon biasśledna źnik.
Rodnyja bjuć tryvohu: u internat Raman tak i nie viarnuŭsia, jaho telefon adklučany, na suviaź ź siamjoj jon nie vychodzić.
Kanał Amur Mash dadaje, što dva dni tamu Raman šukaŭ darohu da pasolstva Biełarusi. 18 žniŭnia Krupa zajšoŭ u redakcyju «Chabarovskich viestiej». Mužčyna paprasiŭ vady i spytaŭ, jak dabracca da pasolstva.
Pavodle słoŭ supracoŭnikaŭ vydańnia, vyhladaŭ jon dziŭna — byŭ nibyta ŭ prastracyi.
Mužčyna raspavioŭ, što ŭ jaho ŭsio skrali. Jamu namalavali maršrut da ambasady, paśla čaho jon syšoŭ.
Tolki praz peŭny čas žurnalisty daviedalisia z navin, što Raman u vyšuku. Jon pa-raniejšamu nie vychodzić na suviaź z rodnymi. Siamja padała zajavu ŭ milicyju.
Situacyja ŭskładniajecca tym, što ŭ čužym rehijonie ŭ mužčyny niama blizkich, jakija mahli b apieratyŭna arhanizavać pošuki na miescy.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary