У расійскім Хабараўску бясследна знік 43‑гадовы беларус Раман Крупа, які прыехаў на Далёкі Усход з Мазыра на працоўную вахту.
Як піша канал «Дерзкий Хабаровск», некалькі дзён таму мужчыну стала дрэнна, і ён звярнуўся па дапамогу ў мясцовую клініку.
Аднак доктар не знайшоў падстаў для шпіталізацыі і адпусціў яго. Пасля таго як беларус выйшаў з бальніцы на вуліцу, ён бясследна знік.
Родныя б'юць трывогу: у інтэрнат Раман так і не вярнуўся, яго тэлефон адключаны, на сувязь з сям'ёй ён не выходзіць.
Канал Amur Mash дадае, што два дні таму Раман шукаў дарогу да пасольства Беларусі. 18 жніўня Крупа зайшоў у рэдакцыю «Хабаровских вестей». Мужчына папрасіў вады і спытаў, як дабрацца да пасольства.
Паводле слоў супрацоўнікаў выдання, выглядаў ён дзіўна — быў нібыта ў прастрацыі.
Мужчына распавёў, што ў яго ўсё скралі. Яму намалявалі маршрут да амбасады, пасля чаго ён сышоў.
Толькі праз пэўны час журналісты даведаліся з навін, што Раман у вышуку. Ён па-ранейшаму не выходзіць на сувязь з роднымі. Сям'я падала заяву ў міліцыю.
Сітуацыя ўскладняецца тым, што ў чужым рэгіёне ў мужчыны няма блізкіх, якія маглі б аператыўна арганізаваць пошукі на месцы.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары