Kijeŭ rychtavaŭ druhoje «Pavucińnie» suprać aeraportaŭ Maskvy, ale płan spynili
Pavodle infarmacyi vydańnia The Atlantic, u pačatku 2026 hoda ŭkrainskaje kiraŭnictva razhladała mahčymaść praviadzieńnia maštabnaj apieracyi z vykarystańniem dronaŭ sa štučnym intelektam, metaj jakoj było nadoŭha spynić pracu aeraportaŭ Maskvy i prylehłych da stalicy rasijskich aeraportaŭ. Prajekt atrymaŭ kodavaje imia M&Ms.
Zadumka praduhledžvała masavy zapusk nievialikich bieśpiłotnikaŭ, jakija pavinny byli pieraadoleć rasijskuju supraćpavietranuju abaronu i atakavać avijacyjnuju infrastrukturu. Pavodle acenki adnaho z surazmoŭcaŭ vydańnia, dla hetaha mahło spatrebicca da tysiačy dronaŭ za adnu noč.
Asablivaściu apieracyi pavinny byli stać aŭtanomnyja bieśpiłotniki ź sistemami štučnaha intelektu. Jany mahli samastojna vyznačać celi, paraŭnoŭvajučy vyjavy miascovaści z zahadzia zahružanymi kartami i fotazdymkami. Mienavita vykarystańnie takoj technałohii stvarała najbolšyja jurydyčnyja i maralnyja prablemy.
Hałoŭnaj metaj było nie stolki niepasrednaje razbureńnie aeraportaŭ, kolki praciahłaje zakryćcio pavietranaj prastory nad Maskvoj dla cyvilnaj avijacyi. Ukrainski bok raźličvaŭ, što heta prymusić mižnarodnyja avijakampanii spynić rejsy ŭ Rasiju, a taksama stvoryć surjoznyja niazručnaści dla rasijskich čynoŭnikaŭ, aliharchaŭ i inšych pradstaŭnikoŭ elity.
Pavodle zadumy, uźnikłyja ekanamičnyja i sacyjalnyja prablemy mahli b uzmacnić cisk na Uładzimira Pucina i padšturchnuć rasijskaje kiraŭnictva da pieramoŭ.
Adnak jašče na etapie prezientacyi prajekta prezident Ukrainy Uładzimir Zialenski vykazaŭ surjoznyja aściarohi. Najpierš jaho niepakoiła mahčymaść pamyłkovaha raspaznańnia celi i ŭdaru pa cyvilnym samalocie, što mahło pryvieści da hibieli pasažyraŭ i členaŭ ekipaža. Niahledziačy na hetyja ryzyki, padrychtoŭku apieracyi praciahnuli.
Pavodle dźviuch krynic The Atlantic, prajekt byŭ spynieny ŭ lipieni paśla zvalnieńnia ministra abarony Ukrainy Michaiła Fiodarava. Surazmoŭcy vydańnia nazyvajuć jaho adnym z hałoŭnych architektaraŭ hetaj zadumy. Fiodaraŭ zajmaŭsia raźvićciom ukrainskaj prahramy vajskovych dronaŭ, farmavańniem kamandy prahramistaŭ dla sistem štučnaha intelektu i pošukam jeŭrapiejskaha finansavańnia.
Paśla pryznačeńnia novym ministram abarony Jaŭhiena Chmary budučynia prajekta zastajecca niavyznačanaj. Adzin z surazmoŭcaŭ vydańnia nie vyklučyŭ, što jaho mohuć adnavić, ale dla hetaha spatrebicca novaja kamanda i kala troch miesiacaŭ padrychtoŭki.
Pucin staŭ paźbiahać pajezdak u rehijony ŭ jeŭrapiejskaj častcy Rasii, kudy rehularna dalatajuć drony
Ukrainskaja apieracyja «Pavucińnie» mahła sarvacca ŭ apošni momant — pilny dalnabojščyk znajšoŭ bieśpiłotniki ŭ korpusie
U Hruzii zatrymali hruzavik z ukrainskim hieksahienam. Jon nibyta byŭ pryznačany dla apieracyi «Pavucińnie-2»
«My płanavali da 9 maja heta zrabić, ale kiroŭcy pajšli na Vialikdzień u zapoj». Kiraŭnik SBU raskazaŭ padrabiaznaści pra apieracyju «Pavucińnie»
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Dastatkova zaprahramiravać kamputar na toje, što samalot nie moža być cellu. Unieści samalot u stop-list. Ci jak tam nazyvajecca.
I zahruzić u śpis celaŭ foty kiraŭnictva RF, asabiliva vajskovaha.