Pucin staŭ paźbiahać pajezdak u rehijony ŭ jeŭrapiejskaj častcy Rasii, kudy rehularna dalatajuć drony
Siarod vyklučeńniaŭ — Maskva, Sankt-Pieciarburh i Vałdaj, dzie ŭ Pucina jość rezidencyi.
Paśla taho jak u červieni Pucin adnaviŭ vizity ŭ rehijony paśla praciahłaha pierapynku, jon staŭ paźbiahać vizitaŭ u rehijony ŭ jeŭrapiejskaj častcy Rasii, kudy časta dalatajuć ukrainskija drony, piša «Ahienctva».
Vyklučeńniami byli Maskva, Sankt-Pieciarburh, Vałdaj, dzie ŭ jaho jość rezidencyi, i Kazań, kudy Pucin jeździŭ 17 červienia na zapłanavany zahadzia samit «Rasija — ASIEAN». Naviedvańnie Kazani stała pieršaj pajezdkaj u rehijony za 223 dni.
24 lipienia Pucin prylacieŭ u Irkuck i naviedaŭ Irkucki avijacyjny zavod.
25 lipienia Pucin prylacieŭ u Omsk, dzie sustreŭsia z prezidentam Kazachstana Kasym-Žamartam Takajevym i naviedaŭ forum mižrehijanalnaha supracoŭnictva Rasii i Kazachstana.
3 žniŭnia Pucin pryjechaŭ u Krasnajarski kraj i sustreŭsia z kiraŭnikom rehijona Michaiłam Kaciukovym. Zahadzia ŭłady nie anansavali hety vizit.
Bolšaść rehijonaŭ, jakija naviedaŭ Pucin hetym letam, albo zusim nie stanoviacca cellu atak USU, albo padviarhalisia atakam davoli redka.
Upieršyniu BPŁA ŭ Omskaj vobłaści źbili 6 lipienia 2026 hoda. U toj ža dzień u Omsku ŭpieršyniu z pačatku vajny zakryli aeraport. Akramia taho, pad ataku ŭpieršyniu trapiŭ Omski NPZ.
U Irkuckaj vobłaści drony fiksavali tolki adzin raz z pačatku vajny — u červieni 2025 hoda atacy padvierhsia aeradrom u miežach apieracyi USU «Pavucińnie». Tady drony zapuskali z fur na terytoryi Rasii.
U Krasnajarskim krai bieśpiłotniki z pačatku vajny nie źbivali ni razu.
Tolki Tatarstan rehularna padviarhajecca atakam USU. Padčas vizitu Pucina ŭ Kazań u horadzie pryniali žorstkija miery biaśpieki. U tym liku, u horad ściahnuli siłavikoŭ ź inšych rehijonaŭ, uviali zabaronu na pierasoŭvańnie na samakatach na šerahu vulic, a žycharoŭ papiaredzili pra čakanyja prablemy sa suviaźziu.
Da pierapynku Pucin apošni raz jeździŭ u rehijony ŭ listapadzie 2025 hoda. Paśla mierkavanaj ataki pa Vałdai ŭ śniežni Pucin pieražyvaŭ praz svaju biaśpieku, paviedamlaŭ surazmoŭca «Prajekta», blizki da Kramla.
-
Kijeŭ uviečary znoŭ byŭ pad atakami, źnikali śviatło i vada. Za dzień va Ukrainie zahinuli jak minimum 25 čałaviek
-
Kolkaść zahinułych u Pryłukach pad Čarnihavym vyrasła da 14
-
Były kiraŭnik Google: Rasija zdahaniaje Ukrainu ŭ vajskovych technałohijach, a resursaŭ u jaje našmat bolš. Hałoŭnym vyklikam budzie «Rasśviet»
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary