Hiermanija zakryvaje rasijskaje konsulstva ŭ Bonie i «Ruski dom» u Bierlinie
Niamieckija ŭłady zajavili, što Rasija niasie adkaznaść za incydent ź bieśpiłotnikami ŭ aeraporcie Lejpcyha, jaki adbyŭsia ŭ žniŭni. Pra heta paviedamiŭ ministr unutranych spraŭ Hiermanii Alaksandar Dobrynt, piša Deutsche Welle.
Pavodle słoŭ Alaksandra Dobrynta, da takoj vysnovy pryjšli paśla vyvučeńnia kanstrukcyi bieśpiłotnikaŭ i asobnych kampanientaŭ, jakija vykarystoŭvalisia padčas inšych hibrydnych incydentaŭ. Niamieckaja raźviedka taksama vyjaviła ludziej, jakija, jak miarkujecca, dziejničali pa daručeńni rasijskich dziaržaŭnych struktur.
Dobrynt zajaviŭ, što płanavańnie ataki było prafiesijnym, ale niepasredna jaje vykanańniem zajmalisia ahienty nižejšaha ŭzroŭniu. Jon taksama papiaredziŭ, što Hiermanija moža stać mišeńniu novych hibrydnych atak z boku Rasii.
U adkaz Hiermanija zakryje hienieralnaje konsulstva Rasii ŭ Bonie da 18 vieraśnia i skasuje pahadnieńnie ab dziejnaści «Ruskaha doma» ŭ Bierlinie.
Pa słovach ministra zamiežnych spraŭ Hiermanii Johana Vadefula, Hiermanija ŭzmocnić kantrol za ŭjezdam hramadzian Rasii, a rasijskaha ambasadara vykličuć dla tłumačeńniaŭ. Taksama ŭrad płanuje pryniać dadatkovyja miery ŭ śfiery pracy śpiecsłužbaŭ, umacavańnia ŭłasnaj abaronazdolnaści i strymlivańnia Rasii.
Vadeful padkreśliŭ, što Hiermanija i nadalej budzie rašuča padtrymlivać Ukrainu.
U Maskvie ŭžo zajavili, što adkažuć na antyrasijskija rašeńni Hiermanii. Pradstaŭnica MZS Rasii Maryja Zacharava zajaviła, što na ŭsie takija miery Rasija daść adkaz.
Kiraŭnictva NATA vykazała poŭnuju salidarnaść z Hiermanijaj. Hienieralny sakratar aljansu Mark Rute zajaviŭ, što NATA budzie i nadalej umacoŭvać zdolnaść abaraniać krainy-sajuźnicy ad padobnych pahroz.
Incydent, jaki staŭ niepasrednaj nahodaj dla takich dziejańniaŭ, adbyŭsia 4 žniŭnia ŭ aeraporcie Lejpcyha. Pavodle infarmacyi niamieckich ŚMI, niekalki bieśpiłotnikaŭ mahli ŭdzielničać u sprobie ataki na ŭkrainski hruzavy samalot An-124. Adzin dron z vybuchoŭkaj znajšli niedaloka ad ukrainskich hruzavych samalotaŭ, a druhi, vierahodna, urezaŭsia ŭ hruzavy samalot DHL.
Hiermanija rychtujecca aficyjna abvinavacić Rasiju ŭ padrychtoŭcy ataki ŭ Lejpcyhu i ŭvieści «maštabnyja sankcyi»
Dron z vybuchoŭkaj znajšli kala ŭkrainskaha hruzavoha samalota ŭ aeraporcie Lejpcyha
Kiraŭnik CRU prylataŭ u Maskvu, kab papiaredzić Rasiju ab niedapuščalnaści ataki na krainy Bałtyi — Politico
Rasija ściahvaje vajskovy fłot u Bałtyjskaje mora paśla pahroz Pucina ŭ bok Jeŭropy
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary