U Biełarusi pačalisia prodažy novaha elektryčnaha liftbeka Forthing S7 EVO. Heta davoli redki dla biełaruskaha aŭtarynku typ aŭtamabila. Madel užo atrymała niekalki mižnarodnych uznaharod za dyzajn, piša Office Life.
Aŭtamabil vyhladaje jak spartyŭnaje kupe, maje 19‑dziujmavyja kołavyja dyski i svaimi abrysami nahadvaje kłasičny Ferrari Lusso. Nad jaho dyzajnam pracavaŭ Krystafier Zarlenh, jaki raniej pracavaŭ u General Motors i Ford.
Raspracoŭščyki nadavali ŭvahu nie tolki źniešnaści, ale i aeradynamicy. Dziakujučy hetamu, jak zajaŭlaje vytvorca, S7 EVO spažyvaje ŭ siarednim 11,9 kVt·h elektraenierhii na 100 kiłamietraŭ. Heta mienš, čym u bolšaści elektramabilaŭ, pradstaŭlenych na biełaruskim rynku.
Jomistaść batarei składaje 59,4 kVt·h, a zajaŭleny zapas chodu — 565 kiłamietraŭ pavodle kitajskaha standartu. Chutkaja zaradka ad 30% da 80% zajmaje 28 chvilin. Mahutnaść elektramatora składaje 218 konskich sił.
Siarod asablivaściaŭ madeli dyler taksama nazyvaje adaptyŭnuju padviesku. Jaje sistema raspaznaje stan i profil darohi i aŭtamatyčna vybiraje adpaviedny režym — bolš žorstki abo miakki.
Vytvorca śćviardžaje, što aŭtamabil śpiecyjalna padrychtavany dla ekspłuatacyi va ŭmovach biełaruskaha klimatu. Pry kupli taksama prapanujucca kredytnyja prahramy ź ilhotnym pieryjadam pa staŭcy 4,5%.
Košt Forthing S7 EVO ŭ Biełarusi pačynajecca ad 71,9 tysiačy rubloŭ. Prykładna stolki ž kaštuje novy Belgee X50+ ź bienzinavym ruchavikom u maksimalnaj kamplektacyi.
Brend Forthing naležyć kitajskamu kancernu Dongfeng Motor. Aŭtamabili hetaj marki vypuskajuć na zavodzie ŭ horadzie Lučžou. Niekatoryja madeli Dongfeng i Forthing taksama źbirajuć u Biełarusi na pradpryjemstvie «Junison».
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary