U Minsku pradstavili Geely Monjaro 2026 hoda, pierarobleny ŭ stylistycy viadomaha pradstaŭničaha aŭtamabila Maybach. Prajekt pakazali ŭ aŭtacentry «Kropka» kala MKAD i mikrarajona Malinaŭka, piša vydańnie «Naš portał».
Košt takoha aŭtamabila pačynajecca ad 110 900 rubloŭ pry zdačy staroha Geely abo BELGEE pa prahramie trade-in. Biez trade-in mašyna kaštuje 115 900 rubloŭ.
U asnovie prajekta lažyć fłahmanski krasovier Geely Monjaro. Aŭtamabil abstalavany dvuchlitrovym turbaruchavikom mahutnaściu 238 konskich sił i vaśmistupiennaj aŭtamatyčnaj karobkaj pieradač. Pryvod poŭny. Da 100 km/h aŭtamabil razhaniajecca za 8,4 siekundy, a siaredni raschod paliva składaje 8,8 litra na 100 km.
Kupcu prapanujuć na vybar pradstaŭničaje afarmleńnie abo zvyčajny varyjant eksterjera. Koler kuzava i inšyja elemienty kamplektacyi možna padabrać indyvidualna.
Sałon azdobleny skuraj i zamšaj, u im jość panaramny dach, multymiedyjnaja sistema i premijalnaja aŭdyjosistema. Za biaśpieku adkazvajuć adaptyŭny kruiz-kantrol, kamiery kruhavoha ahladu i elektronnyja sistemy dapamohi kiroŭcu.
U kamplekt «biełaruskaha Majbacha» taksama ŭvachodziać achoŭnyja plonki, taniroŭka, abklejvańnie kuzava, novyja dyski, radyjatarnyja rašotki, dyvanki i pyrskałki.
U aŭtacentry adznačyli, što chacieli pakazać Geely Monjaro ŭ niezvyčajnym vyhladzie i nadać jamu rysy pradstaŭničaha aŭtamabila. Dla kupcoŭ praduhledžany lhotny kredyt sa staŭkaj 1% bieź pieršapačatkovaha ŭznosu i abaviazkovaha KASKA. Pry zdačy staroha aŭtamabila ŭ trade-in košt budzie nižejšym.
Dadatkovaje abstalavańnie možna nabyć u rasterminoŭku terminam da šaści miesiacaŭ. Harantyja na aŭtamabil składaje da piaci hadoŭ abo 150 tysiač kiłamietraŭ prabiehu.
Belgee pakazaŭ novy X50. Ciapier heta biudžetny krasovier z atmaśfiernym ruchavikom i starym dobrym aŭtamatam
Novy ci ŭžyvany? Kolki kaštujuć Geely i Belgee z prabieham i ci mocna jany stračvali ŭ canie
Rynak novych aŭtamabilaŭ u Biełarusi ŭ lipieni vyras na 30%
Dola kitajskich aŭto ŭ prodažach u Jeŭropie dasiahnuła rekordnych 10,9%
Kamientary