Čynoŭniku Minharvykankama dali 8 hadoŭ za 40 tysiač rubloŭ chabaru
Prakuratura Hrodna paviedamiła pra vynik kryminalnaj spravy 50‑hadovaha minčuka, jakoha pryznali vinavatym u atrymańni chabaru ŭ asabliva bujnym pamiery.
Ź lutaha 2024 hoda pa maj 2025 hoda mužčyna, jaki ŭznačalvaŭ adno sa strukturnych padraździaleńniaŭ Minharvykankama, nieadnarazova atrymlivaŭ ad pradstaŭnika kamiercyjnaj arhanizacyi chabar. Havorka išła pra hrošy, budaŭničyja materyjały, a taksama biaspłatnyja azdobnyja raboty ŭ jahonym domie.
Uzamien čynoŭnik pavinien byŭ arhanizoŭvać i zabiaśpiečvać zakupki abstalavańnia dla ŭstanoŭ achovy zdaroŭja mienavita ŭ hetaj kamiercyjnaj struktury, a taksama spryjać vydzialeńniu na hetyja zakupki biudžetnych srodkaŭ.
Za hod jon atrymaŭ takim čynam bolš za 40 tysiač rubloŭ.
Sud, uličyŭšy dokazy, pradstaŭlenyja dziaržaŭnym abvinavaŭcam, vynies abvinavaŭčy prysud. Mužčynu pryznačyli vosiem hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu.
Akramia taho, jon pavinien vypłacić štraf u pamiery 600 bazavych vieličyniaŭ — 27 tysiač rubloŭ. Na piać hadoŭ jamu zabaroniena zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, a taksama ździajśnieńniem jurydyčna značnych dziejańniaŭ. Sud taksama pazbaviŭ jaho zvańnia «major miedycynskaj słužby zapasu».
Byłomu hiendyrektaru Hrodzienskaha miasakambinata dali siem hadoŭ kałonii
Dyrektara «Kamunarki» asudzili na siem hadoŭ za karupcyju
Nazyvaŭsia supracoŭnikam KDB i nie tolki. Zatrymali supracoŭnika kramy ałkaholu, jaki braŭ chabar jak siłavik
Aryštavany ministr pryrodnych resursaŭ vybraŭ «stratehiju Bryło»
Były kiraŭnik Słužby biaśpieki Łukašenki pradaŭ katedž u Drazdach za $1,2 miljona
Kamientary