Na sustrečy ŭ Majami pradstaŭnikoŭ Ukrainy i Zachadu viałasia havorka ab spynieńni bajoŭ da zimy
Udzielniki pieramovaŭ u Majami taksama razhledzieli niekatoryja idei pa terytaryjalnych pytańniach.
Pradstaŭniki ZŠA, Ukrainy i jeŭrapiejskich krain na pieramovach u Majami abmierkavali mahčymaść stvareńnia novaj architektury biaśpieki pamiž Rasijaj i Jeŭropaj, jakaja pavinna zabiaśpiečyć mirnyja adnosiny na doŭhija hady. Pra heta paviedamlaje Reuters sa spasyłkaj na krynicu, znajomuju z chodam sustrečy.
Pavodle słoŭ surazmoŭcy ahienctva, udzielniki pieramovaŭ taksama razhledzieli niekatoryja idei pa terytaryjalnych pytańniach, adnak padrabiaznaściej jon raskryvać nie staŭ.
Metaj pieramovaŭ, udakładniła krynica ahienctva, było farmiravańnie prapanovy dla Rasii, jakaja dazvoliła b dasiahnuć praryvu ŭ mirnym urehulavańni da zimy.
Sustreča adbyłasia 9 kastryčnika i praciahvałasia šeść hadzin. U joj udzielničali śpiecyjalny pasłańnik prezidenta ZŠA Styŭ Uitkaf, ziać amierykanskaha lidara Džared Kušnier, pradstaŭniki Ukrainy, jeŭrapiejskich krain i NATA.
Pavodle źviestak Reuters, baki majuć namier u bližejšyja tydni ŭzhadnić adzinuju prapanovu pa ŭrehulavańni kanfliktu va Ukrainie, kab zatym pradstavić jaje Rasii.
Padčas sustrečy taksama abmiarkoŭvalisia harantyi biaśpieki dla Ukrainy z boku ZŠA i Jeŭropy, a taksama pierśpiektyvy ŭstupleńnia krainy ŭ Jeŭrapiejski sajuz.
Kamientary