Mižnarodny valutny fond palepšyŭ prahnoz rostu VUP Biełarusi ŭ 2026 hodzie na 0,7 pracentnaha punkta — da 1,9%. U 2027 hodzie fond čakaje rostu biełaruskaj ekanomiki na 1,2%, tady jak raniej prahnazavaŭ 1%.
MVF taksama pierahledzieŭ acenku inflacyi ŭ Biełarusi. Pavodle jaho prahnozu, u siarednim za 2026 i 2027 hady jana składzie 5,1%. Čakajecca, što ŭ kancy 2026 hoda inflacyja dasiahnie 5,2%, a ŭ kancy 2027‑ha źnizicca da 4,9%. Raniej fond prahnazavaŭ inflacyju na ŭzroŭni 6,4% u 2026 hodzie.
Pavodle acenak ekśpiertaŭ MVF, deficyt rachunku biahučych apieracyj płaciežnaha bałansu Biełarusi ŭ 2026 hodzie składzie 3,2% VUP, a ŭ 2027‑m — 3,4%.
Aficyjny prahnoz biełaruskich uładaŭ bolš aptymistyčny: rost VUP u 2026 hodzie čakajecca na ŭzroŭni 2,8%, a ŭ 2027‑m — 1,9%. Faktyčna za studzień — žnivień 2026 hoda biełaruskaja ekanomika vyrasła na 1,9%.
Ułady Biełarusi raźličvajuć, što inflacyja ŭ 2026 hodzie nie pieravysić 7%, a ŭ 2027‑m — 6%. Pry hetym hadavaja inflacyja ŭ vieraśni 2026 hoda skłała 4,6%.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary