Ministerstva finansaŭ ZŠA vykraśliła z sankcyjnaha śpisu hienieralnaha dyrektara «Biełaruśkalija» Andreja Rybakova. Infarmacyja pra heta źjaviłasia na sajcie ŭstanovy.
Andreju Rybakovu 50 hadoŭ, jon rodam z Mahilova.
Svaju pracoŭnuju karjeru ŭ 1998 hodzie Rybakoŭ pačaŭ na pradpryjemstvie «Mahiloŭchimvałakno», dzie zrabiŭ karjeru ad aparatčyka sintezu da načalnika cecha. U 2004—2008 hadach jon pracavaŭ u kancernie «Biełnaftachim», dasłužyŭšysia da namieśnika načalnika vytvorča-technałahičnaha ŭpraŭleńnia.
U 2008—2015 hadach zajmaŭ pasady hałoŭnaha inžyniera i pieršaha namieśnika hienieralnaha dyrektara «Mahiloŭchimvałakna». Paźniej staŭ dyrektaram zavoda hornaha vosku i kiravaŭ im da 2017 hoda.
U 2017 hodzie Andreja Rybakova pryznačyli namieśnikam staršyni Biełaruskaha dziaržaŭnaha kancerna pa nafcie i chimii, a ŭ 2018 hodzie jon staŭ staršynioj kancerna «Biełnaftachim». «Biełaruśkalijem» jon kiruje ź listapada 2024 hoda.
Źniaćcie amierykanskich sankcyj z «Biełaruśkalija» i źviazanych ź im asob źviazanaje ź imknieńniem administracyi Donalda Trampa zaviazać ekanamičnuju supracu z režymam Alaksandra Łukašenki ŭ Biełarusi. ZŠA źbirajucca rabić šyrokamaštabnyja zakupki biełaruskaha kaliju, i pieršaja jaho partyja ŭžo adpraŭlenaja.
Adnym z vynikaŭ hetaha pracesu byli niekalki chvalaŭ vyzvaleńnia biełaruskich palitviaźniaŭ. Značnaja ich častka adrazu paśla vyzvaleńnia byli vydvaranyja za miežy krainy.
Kalij pajšoŭ u Štaty i daŭ kozyry Łukašenku. A što z hetaha Trampu? I što źmienicca dla «Biełaruśkalija»?
Pieršaje sudna ź biełaruskim kalijem prybudzie ŭ ZŠA ŭ kastryčniku
Nakolki kaštoŭnaje dla Łukašenki apošniaje źniaćcie sankcyj z boku ZŠA
Sud ES adchiliŭ pazovy «Biełaruśkalija» i BKK ab admienie sankcyj
ZŠA nieaficyjna paprasili try krainy źniać sankcyi ź biełaruskaha kaliju
Kamientary