Praz bolš čym 30 hadoŭ adsutnaści ŭ Biełarusi znoŭ zaŭvažyli prykmiety žyćcia chachuli
U Biełarusi znajšli prykmiety taho, što na jaje terytoryi žyvie ruskaja chachula — vid, jaki z 1990‑ch hadoŭ ličyŭsia ŭ krainie źnikłym. Ślady žyviolin vyjavili ŭ pojmiennych vadajomach raki Sož u Mahiloŭskaj i Homielskaj abłaściach. Pra heta paviedamiŭ navukova-praktyčny centr bijaresursaŭ Nacyjanalnaj akademii navuk Biełarusi, piša vydańnie «Smartpres».
Daśledavańnie pravodziła viadučaja navukovaja supracoŭnica centra Iryna Kryščuk razam sa śpiecyjalistami pa chachuli Maryjaj i Alaksandram Anufreniami z Okskaha bijaśfiernaha zapaviednika ŭ Rasii.
Samich žyviolin navukoŭcy nie bačyli, ale znajšli charakternyja ślady ich žyćciadziejnaści: nory z padvodnymi ŭvachodami i rakaviny presnavodnych maluskaŭ, raskrytyja asablivym čynam.
«Raznastajnaść typaŭ schoviščaŭ u spałučeńni sa stabilnaj karmavoj bazaj śviedčyć pra zachavańnie nievialikich łakalnych papulacyj hetaha vidu ŭ abśledavanych pojmiennych vadajomach raki Sož», — raskazała Kryščuk.
Chachula — svajačka krata, jakaja isnuje na Ziamli kala vaśmi miljonaŭ hadoŭ. Bolšuju častku času jana pravodzić pad ziamloj i pad vadoj, tamu ŭbačyć jaje ŭ pryrodzie vielmi składana. Aryjentavacca ŭ navakolnym asiarodździ i znachodzić ježu žyviolinie dapamahajuć adčuvalny chabatok i vibrysy.
U Biełarusi kolkaść chachuli rezka skaraciłasia jašče da siaredziny XX stahodździa. U 1981 hodzie vid uklučyli ŭ pieršaje vydańnie nacyjanalnaj Čyrvonaj knihi. Adnak u druhoje vydańnie, jakoje vyjšła ŭ 1993 hodzie, jaho ŭžo nie ŭnieśli, bo na toj čas chachula ličyłasia ŭ krainie źnikłaj.
Ciapier navukoŭcy majuć namier praciahnuć pošuki miescaŭ, dzie žyvie heta žyvioła. Žycharoŭ basiejna Soža prosiać paviedamlać śpiecyjalistam pra mahčymyja prykmiety jaje prysutnaści. Siarod ich — padvodnyja chady kala nor, charakternyja ślady łap i miescy karmleńnia z reštkami rakavin maluskaŭ.
Chachula naležyć da vidaŭ, jakim pahražaje źniknieńnie, i nie tolki ŭ Biełarusi, a ŭvohule. Asnoŭny areał jaje žyćcia — terytoryja jeŭrapiejskaj častki Rasii ŭ basiejnach Dona, Vołhi, Urała i viarchoŭjaŭ Dniapra. Ale i tam na praciahu XX stahodździa jaje kolkaść niaŭchilna skaračałasia praź źmianieńnie pojmiennych ekasistem, mielijaracyju, hibiel u rybałoŭnych sietkach i raspaŭsiudžvańnie amierykanskaj norki.
U Biełarusi ŭ 1950‑ch hadach rabili sproby adnavić papulacyju chachuli ŭ pojmie taho ž Soža.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ106
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3434
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha34
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary