Сёння ў праваслаўных Грамніцы, або Стрэчанне — свята, калі ў царкве асвячаюць свечкі, што, лічылася раней, бароняць хаты ад грому. Такі вось перажытак дахрысціянскіх вераванняў.
З Грамніцамі былі звязаныя і пэўныя метэаралагічныя прыкметы.
«Калі на Грамніцы певень нап'ецца вадзіцы, то на Юр'я вол наесца травіцы». Гэта значыць, калі на Грамніцы адліга, то і вясна будзе ранняй.
«Як на Грамніцы адліга, з ураджаю будзе хвіга». А гэта прыкмета для сельскіх гаспадароў. Цёплыя Грамніцы вястуюць цёплую вясну, а ў такія гады зямля раней перасыхае, і ўраджаі ніжэйшыя.
Спраўдзім, ці старыя прыкметы, аналагічныя абуджэнню амерыканскага сурка, усё яшчэ дзейнічаюць.
На два тыдні наперад метэаролагі абяцаюць цяпло. У Мінску да плюс 4—9, на Берасцейшчыне нават да 7—12.
У расейцаў Грамніцы называюцца Сретенье, ад слова стрэча, сустрэча. Бо гэтае свята было ўстаноўленае ў гонар першага прынясення Ісуса ў храм.
Каталікі адзначалі Грамніцы 2 лютага. На лаціне гэтае свята называецца Praesentatio Domini — Паказ Госпада.
Пратэстанты гэткіх святаў не вызнаюць.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары