Здалі бутэлькі і слоікі, купілі самагон, а пасля пасварыліся.
У чэрвені 2024 года бяздомны беларус Аляксандр Гаціцкі (нарадзіўся ў Мінску, але быў зарэгістраваны ў Нясвіжскім раёне) забіў свайго сабутэльніка.
Гаціцкі і расіянін Аляксандр Краснікаў жылі ў сутарэнні аднаго з дамоў Падольска, горада ў Падмаскоўі. Неяк яны здалі бутэлькі, а на выручаныя грошы купілі самагон. Калі выпілі, пасварыліся. Спачатку абражалі адзін аднаго, пасля дайшло да бойкі.
Гаціцкі ўзяў бутэльку і ўдарыў ёй па галаве Краснікава. Бутэлька не разбілася, ён выкінуў яе ў кусты. Пасля гэтага ўдарыў Краснікава ў вока, ад чаго той упаў. Ляжачаму на спіне прыяцелю нанёс нагамі некалькі ўдараў у грудзі і тулава. Той больш не ўставаў.
Затым беларус заснуў. Калі прачнуўся, Краснікаў працягваў ляжаць на тым жа месцы. Гаціцкі адправіўся на сметніцу пашукаць ежы, пасля пайшоў па справах і толькі пазней ад знаёмых даведаўся, што Краснікаў памёр.
У судзе Гаціцкі сваю віну не прызнаў, ён сцвярджаў, што ў момант злачынства спаў у сутарэнні, а прызнальныя паказанні на следстве даў пад ціскам.
Давялося слухаць сведак — такіх жа бяздомных. Яны казалі, што шукалі бутэлькі і бачылі, як п'яныя Гаціцкі і Краснікаў ляжаць побач. Краснікаў моцна хроп, а з яго галавы цякла кроў.
Прысуд Гаціцкаму — 7 гадоў строгага рэжыму. З яго збіраюцца спагнаць прыкладна $8000, праўда, узяць іх няма адкуль.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская1
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Гэта спроба НН паўсюль шукаць супрацьстаянне бел і рас, але ж сапраўды ўсё значна прасцей, адзін бомж забіў іншага бамжа.