Еўрапейскія дыпламаты прыйшлі да будынка суда, дзе разглядаецца справа семінарыста Уладзіслава Беладзеда
«Абвінавачанні, вылучаныя супраць яго — несправядлівасць».
Пра гэта паведамляе амбасада Нямеччыны ў Беларусі.
«Сёння ў Мінску адбудзецца судовае пасяджэнне ў дачыненні да несправядліва зняволенага Уладзіслава Беладзеда. Абвінавачанні, вылучаныя супраць яго — несправядлівасць. Яны матываваныя палітычна. Прадстаўнік пасольства Нямеччыны ў Мінску, а таксама прадстаўнікі іншых дыпламатычных місій, сёння адправіліся да будынка суда, каб выказаць салідарнасць з Уладзіславам. Федэральны ўрад Нямеччыны патрабуе вызвалення ўсіх палітычных зняволеных у Беларусі».
Уладзіслаў — выпускнік Інстытута тэалогіі БДУ, пасля заканчэння якога паступіў у Рыма-каталіцкую семінарыю і праходзіў практыку ў мінскай Катэдры. Яму інкрымінуюць чатыры артыкулы Крымінальнага кодэкса.
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»23
Каментары