Уцюрын быў прысуджаны да 12 гадоў зняволення за хабар, але правёў за кратамі пяць з паловай гадоў.
Аляксандр Лукашэнка памілаваў былога намесніка дзяржсакратара Рады бяспекі і былога кіраўніка сваёй службы бяспекі Андрэя Уцюрына. У 2020 годзе той быў прысуджаны да 12 гадоў зняволення за карупцыю.
Пра вызваленне Уцюрына паведаміў былы палітвязень Сяргей Пятрухін. Крыніцы «НН» пацвердзілі гэту інфармацыю.
Уцюрын быў адным з самых адданых лукашэнкаўскіх гвардзейцаў. Некалі яшчэ ягоны бацька ўзначальваў элітную часць Унутраных войскаў 3214, а сам Андрэй пайшоў у Службу бяспекі прэзідэнта ў 1995-м і даслужыўся да начальніка ў гэтым ведамстве, да якога ў Лукашэнкі самы вялікі давер. Ён узначаліў Службу бяспекі ў 2007 годзе і кіраваў ёй сем гадоў. Пасля стаў намеснікам дзяржсакратара Рады бяспекі.
Уцюрына затрымалі ўвесну 2019 года ў момант атрымання хабару ад расійскага бізнэсоўца. Пазней Лукашэнка паведаміў, што Уцюрын «трапіў пад прыцэл» сілавікоў, калі яшчэ ўзначальваў службу аховы.
Суд над Уцюрыным праходзіў з красавіка па ліпень 2020 года. Яго, кавалера ордэна «За службу Радзіме» і ўладальніка медаля «За бездакорную службу», прызналі вінаватым у атрыманні хабараў на агульную суму 192 тысячы долараў.
Такія грошы яму плацілі за лабіраванне інтарэсаў пры пастаўцы тэлекамунікацыйнага абсталявання для ДВП МУС, у прыватнасці для турмы №8 у Жодзіне.
Уцюрыну прысудзілі 12 гадоў пазбаўлення волі ў калоніі ўзмоцненага рэжыму, а таксама пазбавілі звання палкоўніка.
Пакаранне былы высокапастаўлены сілавік адбываў у калоніі ў гарадскім пасёлку Віцьба Віцебскай вобласці. Усяго па «справе Уцюрына» асудзілі 16 чалавек. Сярод іх — чыноўнікі Міністэрства фінансаў, а таксама менеджары Нацбанка, БПС-Сбербанка, Беларусбанка, кіраўнік «Белтэлекама», прадстаўнікі камерцыйных структур. Акрамя таго, тэрміны атрымалі расійскія бізнэсмены, якія давалі хабары.
Усяго ў датычных канфіскавалі больш за $1,65 мільёна.
Такім чынам, Уцюрын адсядзеў менш за палову з прызначаных яму 12 гадоў.
***
Андрэй Уцюрын нарадзіўся ў 1971 у Пензе. У 1992 скончыў Саратаўскае вышэйшае вайсковае каманднае вучылішча МУС Расіі, а ў 2002 — Акадэмію МУС Беларусі. Ад 1995 — у службе аховы Лукашэнкі. Узнагароджаны ордэнамі «За бездакорную службу» і «За службу Радзіме». Кіраўнік Службы аховы ў 2007-2014. Намеснік дзяржсакратара Рады бяспекі (2014-2019). Знаходзіўся ў зняволенні з 2019 да 2024.
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
Вот в кого превратил Лукашенко людей и это ужасно видеть, как люди превращаются в ничто.
И сколько поколений будет это исправлять?