Ілан Маск выступіў з вострай крытыкай новага закона, прапанаванага Трампам
Амерыканскі мільярдэр Ілан Маск, які падчас выбарчай кампаніі ў 2024 годзе адкрыта падтрымліваў Дональда Трампа і ўклаў у гэту справу каля 300 мільёнаў даляраў, цяпер у інтэрв'ю для CBS выступіў з крытыкай аднаго з асноўных праектаў Трампа, паведамляе CNN.
Маск раскрытыкаваў прэзідэнцкі законапраект, які прадугледжвае масавае скарачэнне падаткаў адначасова з вялікім павелічэннем вайсковых выдаткаў. Каб фінансаваць гэта, плануецца скараціць выдаткі на праграмы аховы здароўя, харчавання і энергетыкі. Паводле незалежнай ацэнкі, дакумент можа павялічыць бюджэтны дэфіцыт на 3,8 трыльёна даляраў.
Маск заявіў, што такі законапраект «падрывае працу» ініцыятывы DOGE (Дэпартамента па эфектыўнасці ўрада), у якой ён сам быў адной з ключавых фігур. Ён назваў яго «законопраектам пра вялікія выдаткі», які супярэчыць мэтам скарачэння бюджэтных выдаткаў.
Хоць раней Маск быў блізкім дарадцам Трампа, апошнім часам паміж імі ўзнікаюць канфлікты. Напрыклад, у красавіку мільярдэр пасварыўся з міністрам фінансаў ЗША ў прысутнасці прэм’еркі Італіі Джорджы Мелоні. Таксама Маск не прыйшоў на сакрэтны брыфінг Пентагона, што моцна не спадабалася прэзідэнту.
Трамп ужо заяўляў, што ініцыятыва DOGE, хутчэй за ўсё, спыніць існаванне, бо Маск не можа бясконца выконваць функцыі дзяржаўнага дарадцы. Сам Маск, у сваю чаргу, пачаў гаварыць, што плануе менш удзельнічаць у палітыцы і больш засяродзіцца на сваіх кампаніях, у тым ліку на Tesla, прыбыткі якой значна знізіліся ў пачатку 2025 года.
У маі Маск публічна заявіў, што будзе «значна менш» укладацца ў палітычную дзейнасць, бо, на яго думку, ён ужо зрабіў дастаткова.
77 дэмакратаў-кангрэсменаў запатрабавалі ад Трампа звольніць Маска да 30 мая
Рада дырэктараў Tesla пачала шукаць замену Ілану Маску
Маск паабяцаў надалей менш працаваць у адміністрацыі Трампа і больш — у сваіх кампаніях
Маск гатовы пакінуць пасаду, бо «стаміўся ад нападак левых»
Трамп расчараваны сваімі дарадцамі з-за вынікаў увядзення пошлін
Ілан Маск і іншыя пратрампаўскія мільярдэры выступілі супраць увядзення новых мытаў
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары