Другім, хто забіў мядзведзя ў Беларусі, аказаўся адстаўны высокапастаўлены міліцыянт
Андрэй Русановіч яшчэ пару гадоў таму быў намеснікам начальніка мінскай міліцыі, а да гэтага кіраваў міліцыяй у Салігорску. Цяпер — гандлюе стрэльбамі, мае ўласны бізнэс і палюе. Вось як ён атрымаў права паляваць на мядзведзя.
Андрэю Русановічу 48 гадоў. Ён родам з Мядзела. У 2000-м скончыў Акадэмію МУС. Пачынаў следчым у міліцыі Заслаўя, з часам дарос да начальніка крымінальнай міліцыі Міншчыны і звання падпалкоўніка.
У 2014-м Русановічу далі званне палкоўніка і прызначылі кіраўніком РАУС Салігорскага райвыканкама, у 2018-м кіраваць міліцыяй Мінскага раёна. Не пазней за канец 2019-га Русановіча прызначылі намеснікам начальніка ГУУС Мінгарвыканкама. Падобна, што з гэтай пасады ён і пайшаў на пенсію.
Згодна са звесткамі са злітых баз у адным з расійскіх сервісаў, у лістападзе 2024 года былы сілавік стварыў бізнэс — фірму «АркасБел». Сферай дзейнасці пазначаны «аптовы гандаль зернем, неапрацаваным тытунем, насеннем і кармамі для сельскагаспадарчых жывёл».
Калі меркаваць па каментарах у тэлеграме і тым, як Русановіч падпісаны ў тэлефонных кнігах іншых, ён гандлюе зброяй. Гэта карабіны мадэлі Blaser R8 professional пад розныя калібры.
Але права паляваць на мядзведзя ён выйграў у конкурсе, які праводзіла Беларуская арганізацыя паляўнічых і рыбаловаў на чале з Ігарам Шуневічам. Відэа з правядзеннем конкурса выкладзенае ў інстаграме арганізацыі. Адзначым, што іншых гучных прадстаўнікоў сілавых ведамстваў сярод пераможцаў няма.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню37
Каментары