Упершыню ў незалежнай Беларусі правялі паляванне на мядзведзя, ахвяр пакуль няма
На мінулым тыдні правялі аўкцыён, падчас якога разыгралі паляўнічыя пуцёўкі. Заяўкі падалі 140 чалавек, але толькі сямёра выйгралі права на ўдзел. У выхадныя палявалі шэсць з іх, паведамілі ў Беларускім таварыстве паляўнічых і рыбаловаў.
Як паведамляецца, прыкладна палова ўдзельнікаў убачыла мядзведзяў, але з-за высокіх збожжавых культур і вялікай дыстанцыі многія не адважыліся страляць — баяліся прамахнуцца.
Але, маўляў, удзельнікі палявання ўсё адно засталіся задаволеныя, бо атрымалі ўнікальны вопыт і ўспаміны.
Наступны аўкцыён адбудзецца ўжо 15 ліпеня ў 10:00. Жаданне паўдзельнічаць у паляванні гэтым разам выказалі 191 чалавек, у тым ліку кіраўнік таварыства паляўнічых і рыбаловаў Ігар Шуневіч.
Кошт дазволу на паляванне складае 500 рублёў. Усяго на сезон, які працягнецца з 1 ліпеня да 31 снежня, сёлета выдзелілі квоту ў 20 мядзведзяў.
Шуневіч з жонкай не выйгралі права на паляванне на мядзведзя. Конкурс праводзіла арганізацыя Шуневіча
У лесе паміж Івянцом і Ракавам турысты сустрэлі рысь з рысянятамі ВІДЭА
Еўрапейская краіна, дзе мядзведзі свабодна блукаюць і якая зрабіла на іх турбізнэс
У сямі беларускіх лясгасах дазволілі паляванне на мядзведзя
Мядзведзь уплаў сышоў з Беларусі ў Літву
Каментары