Лявончык: Сумняюся, што Карпушонак кантралюе свой акаўнт. Гэта абароты з падручніка прапаганды
Кіраўнік фонду «Байхэлп» Аляксей Лявончык адрэагаваў на новае відэа, выкладзенае ў фэйсбук дэлегаткай Каардынацыйнай рады Вольгай Карпушонак, і жорстка ды бескампрамісна прайшоўся па сцвярджэннях, зробленых у ім.
Лявончык звяртае ўвагу на тое, што Карпушонак зноў не прыводзіць ніякіх доказаў, што нібыта Павел Латушка яе дамагаўся, хоць «калі яны ёсць, выкласці іх — не праблема». Таксама ён звяртае ўвагу на тое, што ў тэксце ў фэйсбуку Вольга сцвярджае, што «будзе паступова выкладаць неаспрэчныя доказы», а ў відэа абяцае гэта рабіць толькі пры працягванні ціску на яе.
«Такое адчуванне, быццам тэкст для ФБ і для начыткі на відэа пісалі розныя людзі», — робіць выснову Лявончык.
Ужываныя ў тэксце відэа слоўныя абароты, што Карпушонак будзе гаварыць «з толькі па-сапраўднаму незалежнымі СМІ», будзе працаваць «толькі з тымі арганізацыямі, на якія няма ўплыву ў польскіх і ўкраінскіх уладаў», што Латушку «ніхто не паверыць, толькі пара супрацоўнікаў НАУ», ён ацэньвае як жыўцом узятыя з арсеналу і метадычак лукашэнкаўскай прапаганды, бо ўсё тое самае можна пачуць і на БТ.
«Няма ніводнай адсылкі да падзей між першым і другім відэа. Такое адчуванне, быццам бы першае і другое пісаліся ў адзін дзень і выстаўляюцца па графіку», — заўважае Аляксей Лявончык.
Урэшце ён заклікае Карпушонак выкласці нарэшце скрыны перапісак з запрашэннямі і пагрозамі, раз Латушка настолькі ўжо «забыўся пра правілы бяспекі».
А ўрэшце робіць выснову:
«Вольга запісала гэтыя і іншыя запісы пад ціскам (кажу «запісала гэтыя і іншыя», бо ўпэўнены, што там ёсць яшчэ пачак вось такой вось беліберды без доказаў, і яны будуць выкладацца паводле графіку гэбні). І я вельмі сумняюся, што яна кантралюе свой акаўнт і гэта выкладае».
«Такое ж пошлае і дурное». У Латушкі адказалі на новае відэа Вольгі Карпушонак
Дэлегатка КР Карпушонак пасля маўчання апублікавала відэа
Дзе ж сама дэлегатка КР Карпушонак, якая абвінаваціла Латушку?
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
«Не веру, што гэта піша яна». Таццяна Мартынава сцвярджае, што Карпушонак таксама знікла
Латушка абвяргае абвінавачанні ў харасмэнце ад дэлегаткі КР Карпушонак
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары
Увесь гэты "кампрамат" не цікавейшы за леташні снег.
Такая бязглуздзіца не назбірае сотню каментароў на Бастыёне Беларушчыны.