Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
Kiraŭnik fondu «Bajchełp» Alaksiej Lavončyk adreahavaŭ na novaje videa, vykładzienaje ŭ fejsbuk delehatkaj Kaardynacyjnaj rady Volhaj Karpušonak, i žorstka dy bieskampramisna prajšoŭsia pa śćviardžeńniach, zroblenych u im.
Lavončyk źviartaje ŭvahu na toje, što Karpušonak znoŭ nie pryvodzić nijakich dokazaŭ, što nibyta Pavieł Łatuška jaje damahaŭsia, choć «kali jany jość, vykłaści ich — nie prablema». Taksama jon źviartaje ŭvahu na toje, što ŭ tekście ŭ fejsbuku Volha śćviardžaje, što «budzie pastupova vykładać nieasprečnyja dokazy», a ŭ videa abiacaje heta rabić tolki pry praciahvańni cisku na jaje.
«Takoje adčuvańnie, byccam tekst dla FB i dla načytki na videa pisali roznyja ludzi», — robić vysnovu Lavončyk.
Užyvanyja ŭ tekście videa słoŭnyja abaroty, što Karpušonak budzie havaryć «z tolki pa-sapraŭdnamu niezaležnymi ŚMI», budzie pracavać «tolki z tymi arhanizacyjami, na jakija niama ŭpłyvu ŭ polskich i ŭkrainskich uładaŭ», što Łatušku «nichto nie pavieryć, tolki para supracoŭnikaŭ NAU», jon aceńvaje jak žyŭcom uziatyja z arsienału i mietadyčak łukašenkaŭskaj prapahandy, bo ŭsio toje samaje možna pačuć i na BT.
«Niama nivodnaj adsyłki da padziej miž pieršym i druhim videa. Takoje adčuvańnie, byccam by pieršaje i druhoje pisalisia ŭ adzin dzień i vystaŭlajucca pa hrafiku», — zaŭvažaje Alaksiej Lavončyk.
Urešcie jon zaklikaje Karpušonak vykłaści narešcie skryny pierapisak z zaprašeńniami i pahrozami, raz Łatuška nastolki ŭžo «zabyŭsia pra praviły biaśpieki».
A ŭrešcie robić vysnovu:
«Volha zapisała hetyja i inšyja zapisy pad ciskam (kažu «zapisała hetyja i inšyja», bo ŭpeŭnieny, što tam jość jašče pačak voś takoj voś bielibierdy biez dokazaŭ, i jany buduć vykładacca pavodle hrafiku hebni). I ja vielmi sumniajusia, što jana kantraluje svoj akaŭnt i heta vykładaje».
«Takoje ž pošłaje i durnoje». U Łatuški adkazali na novaje videa Volhi Karpušonak
Delehatka KR Karpušonak paśla maŭčańnia apublikavała videa
Dzie ž sama delehatka KR Karpušonak, jakaja abvinavaciła Łatušku?
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
«Nie vieru, što heta piša jana». Taćciana Martynava śćviardžaje, što Karpušonak taksama źnikła
Łatuška abviarhaje abvinavačańni ŭ charasmencie ad delehatki KR Karpušonak
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Uvieś hety "kampramat" nie cikaviejšy za letašni śnieh.
Takaja biazhłuździca nie naźbiraje sotniu kamientaroŭ na Bastyjonie Biełaruščyny.