«Такое ж пошлае і дурное». У Латушкі адказалі на новае відэа Вольгі Карпушонак
Народнае антыкрызіснае ўпраўленне, якім кіруе Павел Латушка, у сувязі з публікацыяй дэлегаткай Каардынацыйнай рады Вольгай Карпушонак новага відэа выдала заяву, назваўшы гэта «мэтанакіраванай спецыяльнай інфармацыйнай аперацыяй КДБ Беларусі, накіраванай на дыскрэдытацыю кіраўніка НАУ Паўла Латушкі».
«Можам выказаць здагадку, што гэта відэа запісана загадзя, паколькі яно не ўтрымлівае ніводнага факту, ніводнага доказу і не адказвае ні на адзін наш контраргумент», — заяўляюць паплечнікі Паўла Латушкі.
Таксама ніякіх фактаў і доказаў жанчына, як сцвярджаецца не прыводзіць, калі гаворыць пра ціск з боку ўладаў Польшчы і Украіны, а таксама з боку незалежных СМІ і некаторых калегаў, але і ў гэтым выпадку не прыводзіць ніякіх фактаў і доказаў. Пры гэтым вельмі цікава даведацца, «якія СМІ з пункту гледжання Вольгі Карпушонак з'яўляюцца «па-сапраўднаму незалежнымі».
«Сцвярджэнне Вольгі Карпушонак «вы забываліся пра сваю бяспеку» сведчыць пра тое, што яе сапраўды варта было баяцца. Таму ёй і было прапанавана прайсці паліграф, пасля чаго яна спыніла сваё валанцёрства ў НАУ», — адказвае НАУ на пагрозы Карпушонак.
А напрыканцы канстатуе:
«Вушы рэжыму тырчаць за кожным тэзісам Вольгі Карпушонак. Усё гэта — працяг гісторыі пра «падпальшчыка» — такое ж пошлае і дурное».
Дэлегатка КР Карпушонак пасля маўчання апублікавала відэа
Дзе ж сама дэлегатка КР Карпушонак, якая абвінаваціла Латушку?
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
«Не веру, што гэта піша яна». Таццяна Мартынава сцвярджае, што Карпушонак таксама знікла
Латушка абвяргае абвінавачанні ў харасмэнце ад дэлегаткі КР Карпушонак
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары
[Зрэдагавана]