«Ненавіджу пед». Лукашэнка завітаў на вяселле. Дык а хто ж пабраўся шлюбам?
Сёння падчас цырымоніі адкрыцця рэканструяванага гісторыка-культурнага комплексу «Лошыцкі» Аляксандр Лукашэнка завітаў на вяселле з «падарункам з намёкам» для маладзёнаў.
Паведамляецца, што малады з маладой — гэта Дзмітрый Казлоў і Паліна Буневіч, супрацоўнікі Смалявіцкага водаканала.
Як стала вядома «Нашай Ніве», Паліна Буневіч летась скончыла Інстытут псіхалогіі БДПУ. Яе спецыялізацыя — «сацыяльная псіхалогія». Таксама Паліна дадаткова вывучала арт-тэрапію. Вучэбную практыку дзяўчына праходзіла як педагог-псіхолаг у розных установах адукацыі — размаўляла там з вучнямі ў тым ліку і на тэмы грамадзянскага і нацыянальна-патрыятычнага выхавання.
Але ж выглядае, што ўсё гэта не вельмі падабалася Паліне, бо ў якасці статусу ва «Укантакце» дзяўчына пазначыла: «Ненавіджу пед».
На асабістым сайце дзяўчына сцвярджае, што мае досвед працы як HR-спецыялістка.
Дыктатар уручыў маладзёнам ключы ад двухпакаёвай арэнднай кватэры ў Смалявічах, адзначыўшы, што падарунак з намёкам. Атрымалася нават з двума. Па-першае, Лукашэнка загадаў нарадзіць трох дзяцей (бо «нам так трэба»). Па-другое, падкрэсліў, што працаваць можна і ў сталіцы, але ж жыць лепш недзе яшчэ.
Але падарункам ключы ад арэнднай кватэры можна лічыць толькі ўмоўна. За карыстанне дзяржаўнай кватэрай усё роўна прыйдзецца плаціць арэндную плату — хаця, вядома, яна значна меншая за звычайныя прапановы на рынку нерухомасці.
Плюс на гэты момант выкупіць арэндную кватэру можа не кожны. Сёлета Лукашэнка падпісаў указ, паводле якога выкупляць арэнднае жыллё могуць грамадзяне найбольш запатрабаваных прафесій (пералік такіх прафесій фарміруюць выканкамы ў кожным рэгіёне) у населеных пунктах з колькасцю насельніцтва да 20 тысяч чалавек (акрамя Мінскага раёна). Пры гэтым, неабходна выканаць яшчэ шэраг умоў: напрыклад, мець стаж працы ў арганізацыі, якая выдзеліла жыллё, і тэрмін пражывання ў арэндным жыллі не менш за 10 гадоў
Згодна са статыкай Белстата, у 2024 годзе ў Смалявічах жыло каля 24 тысяч чалавек.
«Аня, выходзь за мяне». Гомельская дзяўчына атрымала прапанову з незвычайным шыкам ВІДЭА
Купалаўскі тэатр прапаноўвае новую паслугу: цяпер там можна пабрацца шлюбам
«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?
«Замест кветак»: маладыя з Магілёва папрасілі ў гасцей на вяселле незвычайныя падарункі
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары