«Nienavidžu pied». Łukašenka zavitaŭ na viasielle. Dyk a chto ž pabraŭsia šlubam?
Siońnia padčas cyrymonii adkryćcia rekanstrujavanaha historyka-kulturnaha kompleksu «Łošycki» Alaksandr Łukašenka zavitaŭ na viasielle z «padarunkam z namiokam» dla maładzionaŭ.
Paviedamlajecca, što małady z maładoj — heta Dźmitryj Kazłoŭ i Palina Bunievič, supracoŭniki Smalavickaha vodakanała.
Jak stała viadoma «Našaj Nivie», Palina Bunievič letaś skončyła Instytut psichałohii BDPU. Jaje śpiecyjalizacyja — «sacyjalnaja psichałohija». Taksama Palina dadatkova vyvučała art-terapiju. Vučebnuju praktyku dziaŭčyna prachodziła jak piedahoh-psichołah u roznych ustanovach adukacyi — razmaŭlała tam z vučniami ŭ tym liku i na temy hramadzianskaha i nacyjanalna-patryjatyčnaha vychavańnia.
Ale ž vyhladaje, što ŭsio heta nie vielmi padabałasia Palinie, bo ŭ jakaści statusu va «Ukantakcie» dziaŭčyna paznačyła: «Nienavidžu pied».
Na asabistym sajcie dziaŭčyna śćviardžaje, što maje dośvied pracy jak HR-śpiecyjalistka.
Dyktatar uručyŭ maładzionam klučy ad dvuchpakajovaj arendnaj kvatery ŭ Smalavičach, adznačyŭšy, što padarunak z namiokam. Atrymałasia navat z dvuma. Pa-pieršaje, Łukašenka zahadaŭ naradzić troch dziaciej (bo «nam tak treba»). Pa-druhoje, padkreśliŭ, što pracavać možna i ŭ stalicy, ale ž žyć lepš niedzie jašče.
Ale padarunkam klučy ad arendnaj kvatery možna ličyć tolki ŭmoŭna. Za karystańnie dziaržaŭnaj kvateraj usio roŭna pryjdziecca płacić arendnuju płatu — chacia, viadoma, jana značna mienšaja za zvyčajnyja prapanovy na rynku nieruchomaści.
Plus na hety momant vykupić arendnuju kvateru moža nie kožny. Sioleta Łukašenka padpisaŭ ukaz, pavodle jakoha vykuplać arendnaje žyllo mohuć hramadzianie najbolš zapatrabavanych prafiesij (pieralik takich prafiesij farmirujuć vykankamy ŭ kožnym rehijonie) u nasielenych punktach z kolkaściu nasielnictva da 20 tysiač čałaviek (akramia Minskaha rajona). Pry hetym, nieabchodna vykanać jašče šerah umoŭ: naprykład, mieć staž pracy ŭ arhanizacyi, jakaja vydzieliła žyllo, i termin pražyvańnia ŭ arendnym žylli nie mienš za 10 hadoŭ
Zhodna sa statykaj Biełstata, u 2024 hodzie ŭ Smalavičach žyło kala 24 tysiač čałaviek.
«Ania, vychodź za mianie». Homielskaja dziaŭčyna atrymała prapanovu ź niezvyčajnym šykam VIDEA
Kupałaŭski teatr prapanoŭvaje novuju pasłuhu: ciapier tam možna pabracca šlubam
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?
«Zamiest kvietak»: maładyja z Mahilova paprasili ŭ haściej na viasielle niezvyčajnyja padarunki
Kamientary