Сына аўтара «Спутніка» прызналі ўдзельнікам экстрэмісцкага фармавання
17 снежня 2025 года КДБ прызнаў экстрэмісцкім фармаваннем ініцыятыву «Да зораў», у склад якой нібыта ўваходзяць музыкант Алесь Чумакоў і 20‑гадовы мінчанін Сямён Малашэнкаў.
Сямён Малашэнкаў — сын журналіста Васіля Малашэнкава, піша «Хрысціянская візія»
Сямён, як і бацька, захапляецца велакультурай. Ён займаўся фотарэпартажамі з веласіпедных мерапрыемстваў Мінска. На фота — у 2020 годзе.
Імаверна, калі ён у Беларусі, то таксама арыштаваны.
Васіль Малашэнкаў — ураджэнец Кемерава, з сям’і з беларускімі каранямі, філолаг па адукацыі: скончыў Кемераўскі дзяржаўны ўніверсітэт. У Беларусь прыехаў у 2004 годзе, а ў наступным годзе ў яго нарадзіўся Сямён. Працаваў у розных дзяржаўных СМІ (каля 7 гадоў у БелТА), а таксама супрацоўнічаў (і супрацоўнічае) са Sputnik і МІА «Россия сегодня». Яго тэксты і фотакрэдыты сустракаюцца і на пляцоўках з інтэграцыйным парадкам дня, такіх як «Саюзнае веча», Eurasia.Expert, «СОНАР-2050» і іншых. Прыхаджанін Петрапаўлаўскага сабора Мінска. Добра знаёмы з рэлігійнай тэматыкай, таму нярэдка асвятляў царкоўныя тэмы.
У 2023 годзе журналіст наведваў акупаваную Данеччыну, быў у Марыупалі. Вядзе тэлеграм-канал «Мінскі назіральнік», на якім нярэдка выказвае крытыку дэмакратычных сіл, часам дапускаючы і даволі абразлівыя выказванні ў адрас іх прадстаўнікоў.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары