Syna aŭtara «Sputnika» pryznali ŭdzielnikam ekstremisckaha farmavańnia
17 śniežnia 2025 hoda KDB pryznaŭ ekstremisckim farmavańniem inicyjatyvu «Da zoraŭ», u skład jakoj nibyta ŭvachodziać muzykant Aleś Čumakoŭ i 20‑hadovy minčanin Siamion Małašenkaŭ.
Siamion Małašenkaŭ — syn žurnalista Vasila Małašenkava, piša «Chryścijanskaja vizija»
Siamion, jak i baćka, zachaplajecca viełakulturaj. Jon zajmaŭsia fotarepartažami ź viełasipiednych mierapryjemstvaŭ Minska. Na fota — u 2020 hodzie.
Imavierna, kali jon u Biełarusi, to taksama aryštavany.
Vasil Małašenkaŭ — uradženiec Kiemierava, ź siamji ź biełaruskimi karaniami, fiłołah pa adukacyi: skončyŭ Kiemieraŭski dziaržaŭny ŭniviersitet. U Biełaruś pryjechaŭ u 2004 hodzie, a ŭ nastupnym hodzie ŭ jaho naradziŭsia Siamion. Pracavaŭ u roznych dziaržaŭnych ŚMI (kala 7 hadoŭ u BiełTA), a taksama supracoŭničaŭ (i supracoŭničaje) sa Sputnik i MIA «Rośsija siehodnia». Jaho teksty i fotakredyty sustrakajucca i na placoŭkach ź intehracyjnym paradkam dnia, takich jak «Sajuznaje vieča», Eurasia.Expert, «SONAR-2050» i inšych. Prychadžanin Pietrapaŭłaŭskaha sabora Minska. Dobra znajomy z relihijnaj tematykaj, tamu niaredka aśviatlaŭ carkoŭnyja temy.
U 2023 hodzie žurnalist naviedvaŭ akupavanuju Danieččynu, byŭ u Maryupali. Viadzie telehram-kanał «Minski naziralnik», na jakim niaredka vykazvaje krytyku demakratyčnych sił, časam dapuskajučy i davoli abraźlivyja vykazvańni ŭ adras ich pradstaŭnikoŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary