Пасол ЗША пры NATO Мэцью Уітакер заявіў, што Кітай аказвае вызначальную падтрымку расійскай агрэсіі ва Украіне. Ён лічыць, што Пекін мог бы пакласці канец вайне адным тэлефонным званком у Маскву, піша Bloomberg.
«Кітай мог бы патэлефанаваць Уладзіміру Пуціну і пакласці канец гэтай вайне заўтра ж, а таксама спыніць продаж яму тэхналогій падвойнага прызначэння», — сказаў Уітакер падчас панэльнай дыскусіі на Мюнхенскай канферэнцыі па бяспецы.
Ён дадаў, што Пекін мог бы спыніць закупку расійскай нафты і газу, падкрэсліўшы, што гэтая вайна «цалкам падтрымліваецца Кітаем».
Bloomberg таксама адзначае, што з пачатку поўнамаштабнай вайны Пекін і Масква яшчэ больш умацавалі партнёрскія адносіны. У прыватнасці, Расія залежыць ад Кітая ў пастаўцы крытычна важных дэталяў і кампанентаў для дронаў і іншай ваеннай тэхнікі.
Таксама Кітай зноў стаў найбуйнейшым пакупніком расійскай сырой нафты, нягледзячы на ўзмацненне міжнароднага ціску на крытычна важны для Масквы гандаль нафтай.
Паводле звестак адсочвання, у студзені ў кітайскіх партах было адгружана 1,65 млн бараляў нафты ў дзень. Гэта самы высокі паказчык з сакавіка 2024 года і другі па велічыні месячны аб'ём з моманту ўварвання РФ ва Украіну ў 2022 годзе.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў19
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары