Як цяпер выглядае Нацыянальны гістарычны музей, дзе на 80% выкананы будаўніча-мантажныя работы
Будаўніцтва Нацыянальнага гістарычнага музея ў сталіцы на вул. Арлоўскай ідзе апераджальнымі тэмпамі, піша «Мінск-Навіны».
— Будаўніча-мантажныя работы на гэтым аб’екце ў цэлым ужо выкананы на 80%, — расказаў начальнік участка СУ-7 «Будтрэста № 4» Дзмітрый Харытонаў. — Цалкам выведзены канструкцыі будынка: на паўднёвай частцы — чатыры паверхі, на паўночнай — пяць. Практычна гатовы дах першага слоя; з 6 900 кв. м засталося пакласці ўсяго 900 квадратаў гідраізаляцыі.
Як адзначыў Харытонаў, прыкладна на 60% плошчаў фасада выканана абліцоўка керамагранітам.
— Цяпер займаемся яго ўцяпленнем, завершана больш за палову. На аб’екце ўжо выкарыстана каля 30 тысяч куб. м бетону, убіта 890 паляў, — расказаў суразмоўца.
Унутры музея амаль закончана тынкоўка паверхняў.
— У экспазіцыйных залах уладкоўваюцца двухслойныя гіпсакардонныя перагародкі з профілем і ўцяпляльнікам; у залах на 1— 4‑м паверхах будаўнікі заліваюць і шліфуюць палімерныя падлогі. Ужо прыступілі да аздобных работ: на другім і трэцім паверхах пліткай з керамаграніту абліцоўваюцца падлогі і санвузлы. Вядуцца і малярныя работы, — дадаў Харытонаў. — У залах ствараюцца сучасныя архітэктурныя кампазіцыі з ляпніны, каменю, пліткі і іншых матэрыялаў. У будынку мантуюцца вельмі складаныя падвесныя столі; у фае яны трохузроўневыя.
Акрамя падраздзяленняў генпадрадчыка «Будтрэста № 4», на аб’екце задзейнічаныя работнікі 23 субпадрадных арганізацый.
— Па добраўпарадкаванні пракладваюцца знешнія сеткі. Застаўся невялікі ўчастак водаправода і ліўневай каналізацыі, астатняе ўсё зроблена. У бліжэйшы час таксама плануецца завяршыць злучэнне галоўнага ўвахода з вуліцы Арлоўскай з паркавай зонай. Праблем з забеспячэннем аб’екта будаўнічымі матэрыяламі, тэхнікай і абсталяваннем няма. Графікі будаўніцтва Нацыянальнага гістарычнага музея, якое пачалося ў лютым мінулага года, выконваюцца. Нарматыўны тэрмін — 24 месяцы; ідзём апераджальнымі тэмпамі, і, думаю, восенню будаўнікі завершаць тут сваю працу, — сказаў Харытонаў.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары