Сёння раніцай у Гродне адбылася аварыя, якая шакавала відавочцаў. Каля гандлёвага цэнтра Triniti сутыкнуліся катафалк, легкавік і грузавы МАЗ, які чысціў вуліцы.
Паводле слоў сведак, легкавік і катафалк спрабавалі праехаць кальцо напрасткі, парушаючы правілы, і ў гэты момант у іх урэзаўся грузавік, які рухаўся па крузе.
«Грузавік заехаў у катафалк, той перакуліўся, а труна на дарозе апынулася. Гляджу — вечка адкрылася. А легкавы аўтамабіль — з пашкоджаным перадам», — распавёў падрабязнасці аварыі чытач партала «АўтаГродна».
Удар быў такой сілы, што катафалк перакуліўся на бок. З машыны на асфальт выпала труна, у якой ад удару адчынілася накрыўка. Ці быў там нябожчык, не паведамляецца.
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы1
Каментары