Арына Сабаленка выходзіць замуж: першая ракетка свету адказала «так» бразільскаму бізнэсмену
Зорка сусветнага тэніса Арына Сабаленка рыхтуецца да вяселля. Яе абраннік, бразільскі прадпрымальнік Георгіяс Франгуліс, апублікаваў відэа прапановы ёй.
Франгуліс падзяліўся кадрамі, на якіх шчаслівая тэнісістка прымае прапанову рукі і сэрца.
Георгіяс Франгуліс — бразільскі бізнэсмен грэчаскага паходжання. Ён з'яўляецца заснавальнікам і ўладальнікам брэнда карыснай ежы Oakberry.
Пара пачала афіцыйна сустракацца вясной 2024 года, пасля чаго Франгуліса сталі пастаянна заўважаць у боксе тэнісісткі на турнірах.
У ліпені таго года спартсменка пацвердзіла свае адносіны з бразільскім бізнэсменам. «Каханне ўсяго майго жыцця», — напісала Сабаленка па-партугальску.
Мужчына тады быў яшчэ жанатым. Пасля таго як пра адносіны Франгуліса і Сабаленкі стала вядома грамадскасці, жонка бізнэсмена заявіла пра пачатак шлюбаразводнага працэсу.
Перад гэтым раманам Сабаленка некалькі гадоў была ў блізкіх адносінах з былым хакеістам Канстанцінам Кальцовым, які дзеля яе кінуў жонку з трыма дзецьмі.
У сакавіку Кальцоў трагічна загінуў у Маямі, і тады высветлілася, што на момант смерці ён ужо не быў разам з Арынай.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары