У Беларусі ў пачатку 2026 года рэзка вырасла доля стратных арганізацый. Згодна з данымі Белстата, па выніках усяго 2025 года са стратамі працавалі 13,3% прадпрыемстваў, аднак ужо ў студзені 2026 года іх доля падскочыла да 31,9%, піша Thinktanks.pro.
Для параўнання: у студзені мінулага года паказчык складаў 25,1%. Гэта значыць, за год ён вырас адразу на 6,8 працэнтных пункта.
Пры гэтым на працягу 2025 года сітуацыя паступова паляпшалася. Пасля студзеньскіх 25,1% доля стратных арганізацый зніжалася амаль увесь год: да 20% вясной, 16,2% летам і 13,3% да снежня. Аднак новы год пачаўся з рэзкага пагаршэння фінансавых вынікаў прадпрыемстваў.
Самая высокая доля стратных кампаній у студзені 2026 года зафіксаваная ў Мінску (36,9%). Далей ідуць:
- Мінская вобласць — 32,1%;
- Гродзенская вобласць — 31,7%;
- Брэсцкая вобласць — 30,8% (таксама вышэй за сярэдні ўзровень).
Найменшая доля стратных арганізацый сярод названых рэгіёнаў — у Віцебскай вобласці, дзе яна склала 25,5%.
Калі глядзець не толькі на колькасць праблемных прадпрыемстваў, але і на велічыню іх стратаў, то найбольш цяжкая сітуацыя склалася ў Гомельскай вобласці. Там сярэднія чыстыя страты на адну стратную арганізацыю склалі 487,6 тысячы рублёў. Далей ідуць Мінск (427,3 тысячы рублёў) і Мінская вобласць (394,5 тысячы рублёў).
Сярэдні паказчык па Беларусі складае 380,0 тысяч рублёў. Найніжэйшымі страты былі ў прадпрыемстваў у наступных абласцях:
- Гродзенская — 332,4 тысячы рублёў;
- Магілёўская — 327,9 тысячы рублёў;
- Віцебская — 295,0 тысяч рублёў;
- Брэсцкая — 276,4 тысячы рублёў.
БелАЗ пачаў выпрабаванне беспілотных самазвалаў
На рынак вярнулася «Брэсцкае піва» з новым загадкавым уладальнікам
Як дэградуюць беларускія гарады, якія нядаўна былі лакальнымі драйверамі
У Расіі пачалі прадаваць беларускія планшэты, падазрона падобныя да кітайскіх
«Беларуськалій» банкрутуе дачку, якую ніхто не захацеў купіць
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну8
Каментары