U Biełarusi ŭ pačatku 2026 hoda rezka vyrasła dola stratnych arhanizacyj. Zhodna z danymi Biełstata, pa vynikach usiaho 2025 hoda sa stratami pracavali 13,3% pradpryjemstvaŭ, adnak užo ŭ studzieni 2026 hoda ich dola padskočyła da 31,9%, piša Thinktanks.pro.
Dla paraŭnańnia: u studzieni minułaha hoda pakazčyk składaŭ 25,1%. Heta značyć, za hod jon vyras adrazu na 6,8 pracentnych punkta.
Pry hetym na praciahu 2025 hoda situacyja pastupova palapšałasia. Paśla studzieńskich 25,1% dola stratnych arhanizacyj źnižałasia amal uvieś hod: da 20% viasnoj, 16,2% letam i 13,3% da śniežnia. Adnak novy hod pačaŭsia z rezkaha paharšeńnia finansavych vynikaŭ pradpryjemstvaŭ.
Samaja vysokaja dola stratnych kampanij u studzieni 2026 hoda zafiksavanaja ŭ Minsku (36,9%). Dalej iduć:
- Minskaja vobłaść — 32,1%;
- Hrodzienskaja vobłaść — 31,7%;
- Bresckaja vobłaść — 30,8% (taksama vyšej za siaredni ŭzrovień).
Najmienšaja dola stratnych arhanizacyj siarod nazvanych rehijonaŭ — u Viciebskaj vobłaści, dzie jana skłała 25,5%.
Kali hladzieć nie tolki na kolkaść prablemnych pradpryjemstvaŭ, ale i na vieličyniu ich strataŭ, to najbolš ciažkaja situacyja skłałasia ŭ Homielskaj vobłaści. Tam siarednija čystyja straty na adnu stratnuju arhanizacyju skłali 487,6 tysiačy rubloŭ. Dalej iduć Minsk (427,3 tysiačy rubloŭ) i Minskaja vobłaść (394,5 tysiačy rubloŭ).
Siaredni pakazčyk pa Biełarusi składaje 380,0 tysiač rubloŭ. Najnižejšymi straty byli ŭ pradpryjemstvaŭ u nastupnych abłaściach:
- Hrodzienskaja — 332,4 tysiačy rubloŭ;
- Mahiloŭskaja — 327,9 tysiačy rubloŭ;
- Viciebskaja — 295,0 tysiač rubloŭ;
- Bresckaja — 276,4 tysiačy rubloŭ.
BiełAZ pačaŭ vyprabavańnie bieśpiłotnych samazvałaŭ
Na rynak viarnułasia «Bresckaje piva» z novym zahadkavym uładalnikam
Jak dehradujuć biełaruskija harady, jakija niadaŭna byli łakalnymi drajvierami
U Rasii pačali pradavać biełaruskija płanšety, padazrona padobnyja da kitajskich
«Biełaruśkalij» bankrutuje dačku, jakuju nichto nie zachacieŭ kupić
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik6
Kamientary