Памёр футбольны калекцыянер, які апранаў моладзь у майкі з Лукашэнкам
У Брэсце памёр вядомы футбольны калекцыянер Георгій Дарбуашвілі. Некалькі гадоў таму ў яго дыягнаставалі анкалагічнае захворванне, піша «Анлайнер».
Інфармацыю пра смерць Георгія Дарбуашвілі «Анлайнеру» пацвердзілі ў футбольным клубе «Дынама» (Брэст).
Георгій Дарбуашвілі нарадзіўся ў Паўночнай Асеціі, у дзяцінстве займаўся вольнай барацьбой. Ва ўзросце 13 гадоў разам з бацькам пераехаў у Паўднёвую Асецію, дзе працягваў заняткі спортам.
Пасля службы ў войску адправіўся ў Растоў-на-Доне, каб працягнуць спартыўную кар’еру. На адным з турніраў яго заўважыў брэсцкі трэнер Мікалай Будкевіч, які запрасіў маладога барца пераехаць у Брэст. У 1983 годзе ён перабраўся ў Беларусь, дзе жыў да канца жыцця.
З 1985 года працаваў у Брэсце інструктарам па спартова-масавай рабоце з дзецьмі. Праз год заснаваў жаночы футбольны клуб «Вікторыя», які ў 1995 годзе стаў чэмпіёнам Беларусі.
У 2010 годзе быў абраны дэпутатам Брэсцкага гарадскога Савета дэпутатаў і тады сумна праславіўся на ўсю Беларусь. 21 лістапада ў Брэсце прайшоў матч паміж брэсцкім «Дынама» і бабруйскай «Белшынай». Падчас матча на стадыёне знаходзіліся каля 30 дзяцей і падлеткаў, апранутых у рознакаляровыя майкі з партрэтам Лукашэнкі і надпісам «Наш президент».
Ініцыятарам гэтай акцыі быў якраз Георгій Дарбуашвілі. У перапынку шоу працягнулася, на бегавой дарожцы ўзнагароджвалі маладых футбалістаў і футбалістак Брэсцкай вобласці, якія таксама былі апранутыя ў такія ж майкі.
Таксама Дарбуашвілі праславіўся як калекцыянер. Ён сабраў унікальную калекцыю спартыўных артэфактаў і быў вядомы гэтым далёка за межамі Брэста.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
Апранаюць вопратку - кажухі, паліто. Адзяваюць адзежу - кашулі, сукенкі.