«Ja chaču być suajčyńnikam Puškina, Dastajeŭskaha, Lermantava, Hohala».
U Maskvie na forumie «Jeŭrazija — terytoryja tradycyjnych kaštoŭnaściaŭ» 10 krasavika vystupaŭ prapahandyst Ryhor Azaronak. Jon chvaliŭ sajuz z Rasijaj.
«Rasija — heta harant raźvićcia i suvierenitetu tych, chto ź joj siabruje», — zapeŭnivaŭ jon.
Ryhor Azaronak nahadaŭ, što ruskaja mova ŭ Biełarusi — dziaržaŭnaja, jak i biełaruskaja.
«Časta Alaksandr Ryhoravič kaža, što, naprykład, taja ž ruskaja mova — naša ruskaja mova.
Ja nie chaču adčuvać siabie chutaraninam z kastrulaj na hałavie ŭ vyšyvancy i być hetym vielmi mocna ščaślivym. Ja chaču być suajčyńnikam Puškina, Dastajeŭskaha, Lermantava, Hohala»,
— pramoviŭ prapahandyst.
Hałoŭnaj redaktarcy RT Marharycie Simańjan, jakaja była maderataram toj paneli, Azaronak pieradaŭ u padarunak knihu pra Łukašenku «Naš prezident». Jaje napisali były pamočnik Łukašenki, były staršynia «Biełaj Rusi» Alaksandr Radźkoŭ, pres-sakratarka Łukašenki Natalla Ejsmant, były ministr infarmacyi, namieśnik kiraŭnika Administracyi Łukašenki Uładzimir Piarcoŭ, były ministr infarmacyi, staršynia Sajuza piśmieńnikaŭ Alaksandr Karlukievič.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ16
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary