Namieśnik ministra infarmacyi vykazaŭsia pra zabaronienyja knihi
Spyniacca papaŭniać śpis «ekstremisckich» knih nie źbirajucca.
«Pieralik takoj litaratury my viadziom z 2023 hoda, — adznačyŭ namieśnik ministra infarmacyi Dzianis Jazierski ŭ intervju «Viečarovamu Minsku». — U śpisie ciapier 65 vydańniaŭ, ale, na žal, jon pašyrajecca. U asnoŭnym aŭtary takoj niepažadanaj litaratury — pradstaŭniki ZŠA, krain Jeŭrasajuza. Heta knihi, jakija prapahandujuć žorstkaść, hvałt, toje, što nam absalutna čužoje i nieprymalnaje, jano zdolnaje nanieści škodu nacyjanalnym intaresam. Śpis apublikavany na sajcie Ministerstva infarmacyi.
Z takimi vydańniami my zmahajemsia. Pastajanna pravodzim manitorynh prodažu knih, u tym liku ŭ internecie, i, na žal, vyjaŭlajem fakty prapanovy takoj litaratury. Tamu my praciahniem prafiłaktyčnuju pracu z raspaŭsiudnikami knih, kab jany nie zakazvali litaraturu vyklučna pa malunku, naźvie i karotkaj anatacyi, ale taksama vykonvali dziejučaje ŭ Biełarusi zakanadaŭstva».
Nasamreč u śpisie zabaronienych ciapier 92 vydańni.
Adznačym, što ŭ hetym śpisie jość knihi biełaruskich piśmieńnikaŭ i historykaŭ. Siarod ich — «Apošniaja kniha pana A.» Alhierda Bachareviča, «Vajennaja historyja Biełarusi. Hieroj. Simvał. Koler» Viktara Lachora, «Ajčyna: Malaŭničaja historyja. Ad Rahniedy da Kaściuški» Uładzimira Arłova i Paŭła Tatarnikava. Ich zabarona pradyktavana niepažadanym pohladam na historyju krainy abo «niełajalnaściu» asoby aŭtara. Z zamiežnaj litaratury niadaŭna śpis zabaronienych uładami knih papoŭnili «Vobłačny atłas» Devida Mitčeła, «Kałychanka» Čaka Pałanika, «HUŁAH» En Epłbaum.
Sam čynoŭnik na niadaŭniaj knižnaj vystavie ŭ Minsku nabyŭ sabie knihu deputata i historyka Ihara Marzaluka «Ad Rusi i Litvy da Biełarusi: vytoki i hieniezis biełaruskaha naroda».
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha45
Kamientary
===============================
Dla biełorusskoho naroda da, eto nieprijemlemo. A vot dla riežima davno stało normoj. Boleje toho, uzurpator triebujet žiestokosti i nasilija ot svoich psov, čtoby jeśli zadieržanije, to razorvannyj rot u zadieržannoho. Tut vidien strach riežima, čto jeśli narod staniet mienieje miahkotiełom, to u posobnikov riežima budiet ziemla horieť pod nohami. Otsiuda i zapriety.
-----------
Mnie cikava, kali hetyja čynoŭniki buduć zabaraniać knihi Marzaluka i piarojduć da čystaje bondaraŭščyny-hihinščyny