Rasijski śviatar, jaki prapahandavaŭ «uvaskrasieńnie» zahinułych va Ukrainie, raskazvaŭ połackim studentam pra kachańnie
Pres-słužba Połackaha dziaržaŭnaha ŭniviersiteta paviedamiła, što pierad jahonymi studentami pračytaŭ lekcyju pad nazvaj «Słova pra kachańnie» protaijerej Arciemij Uładzimiraŭ, pradstaŭleny taksama jak «fiłołah-rusist, piedahoh vyšejšaj katehoryi, člen Sajuza piśmieńnikaŭ Rasii».
Na lekcyi Arciemij Uładzimiraŭ raskazvaŭ pra adnosiny pamiž junakom i dziaŭčynaj, pra mužčynskija pavodziny i šlub.
Taksama padčas sustrečy hość z Rasii prezientavaŭ svaje novyja knihi, prymierkavanyja da 900-hodździa Połackaha manastyra i pryśviečanyja kniahini Volzie i Jeŭfrasińni Połackaj.
Arciemij Uładzimiraŭ u pačatku XXI stahodździa atrymaŭ viadomaść jak aŭtar pravasłaŭnych knih dla dziaciej i baćkoŭ. U 2019 hodzie Uładzimiraŭ raskazvaŭ, što, maŭlaŭ, mieŭ znosiny z ducham pamierłaha ŭ 1882 hodzie Čarlza Darvina. Pa słovach śviatara, navukoviec prasiŭ jaho nie vieryć u teoryju evalucyi.
Paśla pačatku poŭnamaštabnaj vajny va Ukrainie jon całkam padtrymaŭ palityku rasiejskaha kiraŭnictva. Arciemij aktyŭna vystupaje z pravajennymi propaviedziami, u jakich prajhraje asnoŭnyja ŭstanoŭki rasijskaj dziaržaŭnaj prapahandy.
U mai 2024 hoda ŭ adnym z vystupleńniaŭ śviatar raskazaŭ, što časta maje znosiny z rasijskimi vajskoŭcami i tłumačyć im, što «śmierci niama». U dadatak jon raskazaŭ historyju pra nibyta ŭvaskresłaha paśla hibieli na vajnie va Ukrainie kitajca.
«Pierad vialikim postam ja pahladzieŭ rolik pra niejkaha kitajca, jaki ŭdzielničaŭ u SVA, atrymaŭ kulu ŭ žyvot, jakaja raźviarnuła ŭsie jahonyja vantroby, ad hetaha pamior i ŭvaskros. Jamu źjaviŭsia śviaciciel Łuka Krymski, jaho vylečyŭ», — zajaviŭ śviatar.
Pavodle jaho, heta nie adzinkavy vypadak. A kitajec paśla «ŭvaskrašeńnia» razam z usioj svajoj siamjoj staŭ adeptam RPC.
Praŭda, paśla akazałasia, što baciuška pierabłytaŭ kitajca ź jakutam, a toj byŭ pamior nie zusim, a pieražyŭ kliničnuju śmierć na apieracyjnym stale paśla ranieńnia.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
saboj
vuń jak ciskaje chłopca
Tarakan jak sapraŭdny parazit, jakomu kamfortna ŭ antysanitaryi, pieratvaryŭ krainu ŭ kanalizacyju- usio he siudy ściakajecca.