Lidar frakcyi «Baćkaŭščyna» Arsienij Jacaniuk zajaviŭ, što pieramovy z prezidentam Ukrainy Viktaram Janukovičam pravalilisia
Pra heta havorycca ŭ paviedamleńni žurnalista Śviatasłava Ciehołka, jakoje jon raźmiaściŭ na svajoj staroncy ŭ «Fejsbuku».
«Jacaniuk: pieramovy ŭ Janukoviča skončylisia ničym. Jon nie hatovy advodzić vojski Deputaty ad apazicyi kažuć, za stałom hučała pahroza pryciahnuć da adkaznaści ŭsich kiraŭnikoŭ apazicyi. Janukovič ličyć, što apazicyja nie prytrymlivajecca damoŭlenaściej», — napisaŭ žurnalist.
Paśla sustrečy z prezidentam Vital Kličko zajaviŭ, što Janukovič nie zdolny realna aceńvać toje, što adbyvajecca ŭ krainie.
«Na žal ničoha dobraha ź pieramovaŭ ja nie prynios. Ja pajšoŭ, bo ja prapanavaŭ, spynieńnia supraćstajańnia da zakančeńnia pieramoŭ.
Prezident skazaŭ, što tolki adno vyjście — heta pakinuć, ačyścić Majdan i ŭsie pavinny pajści dadomu», - skazaŭ Kličko.
«Heta ŭsio. Na žal, ja byŭ vielmi ździŭleny», - dadaŭ jon.
«Janukovič absalutna nieadekvatna reahuje na situacyju.
Usio, pra što jon kazaŭ — heta pra toje, kab lidary apazicyi zaklikali ludziej na Majdanie spynić supraćstajańnie i skłaści zbroju», — pryvodziacca słovy Kličko sajty partyi.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary