Biełaruś uvajšła ŭ hrupu krain z vysokim indeksam raźvićcia čałaviečaha patencyjału. Namieśnik ministra zamiežnych spraŭ Viktar Hajsionak: «Dla Biełarusi heta vialikaje dasiahnieńnie».
Biełaruś uvajšła ŭ hrupu krain z vysokim indeksam raźvićcia čałaviečaha patencyjału. Ab hetym paviedamiŭ siońnia namieśnik ministra zamiežnych spraŭ Viktar Hajsionak na prezientacyi dakłada ab raźvićci čałavieka 2007/2008 «Baraćba sa źmianieńniem klimatu: čałaviečaja salidarnaść u padzielenym śviecie».
Jon adznačyŭ, što ŭsie krainy ŭ śpisie padzialajucca na try hrupy — z vysokim, siarednim i nizkim uzroŭniem raźvićcia čałaviečaha patencyjału.
«Dla Biełarusi heta vialikaje dasiahnieńnie. U biahučym hodzie ŭ paraŭnańni z papiarednim respublika ŭźniałasia na 10 punktaŭ», — skazaŭ Viktar Hajsionak.
Ciapier Biełaruś zajmaje 64‑ie miesca siarod 177 krain. Indeks raźvićcia čałaviečaha patencyjału dla našaj respubliki składaje 0,804. Pry jaho vyznačeńni biarecca pad uvahu praciahłaść žyćcia, uzrovień piśmiennaści darosłaha nasielnictva, VUP na dušu nasielnictva.
Pavodle słoŭ namieśnika ministra zamiežnych spraŭ, u śpisie krain, u jakich vyznačaŭsia indeks raźvićcia čałaviečaha patencyjału, jość dziaržavy, dzie VUP na dušu nasielnictva vyšejšy, čym u Biełarusi, adnak jany raźmieščany nižej u śpisie.
«Heta značyć, što ŭ takich krainach na pavyšeńnie i na palapšeńnie jakaści žyćcia nasielnictva nakiroŭvajecca niedastatkova srodkaŭ», — dadaŭ jon.
«Nie skazaŭ by, što heta praryŭ. U 2005‑m hodzie, naprykład, Biełaruś była na 67‑m miescy, a ŭ 2004‑m, kali i zarobki biełarusaŭ byli mienšymi za 200 dalaraŭ, i pensii mienšymi za 100 dalaraŭ, na 62‑m. Heta havoryć pra toje, što taki pakaźnik jak indeks raźvićcia čałaviečaha patencyjału nielha absalutyzavać.
Kab realna aceńvać našy dasiahnieńni, varta paraŭnoŭvać dynamiku raźvićcia hetakaha pakaźnika pa u inšych krain… Na pačatku 1990‑ch hadoŭ my stajali ŭ rejtynhu pobač z Estonijaj, Litvoj, Polščaj. Ciapier Polšča znachodzicca na 37‑m miescy, Litva — an 43‑m, Estonija — na 44‑m, a my na 20 punktaŭ nižej».
-
«Usiu vyhadu ad hetaha zajmieje Maskva i Pucin». Paźniak daŭ acenku vizitu Cichanoŭskaj va Ukrainu
-
Jak buduć raźvivacca padziei, kali Maskva znoŭ, jak i ŭ 2022, pačnie nanosić udary pa Kijevie z terytoryi Biełarusi? Mahčymyja scenary
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary