Adzinoki bałkon z kavanaj aharodžaj pa vulicy Vaładarskaha, 4 byŭ hałoŭnaj razynkaj doma, pra jakuju raskazvali turystam na ekskursijach pa horadzie.
Źniknieńnie histaryčnaha elemienta zaŭvažyli ŭ Threads. Turystam raniej raskazvali haradskuju lehiendu, źviazanuju z hetym domam.
Historyja hučała prykładna tak: kali ŭ hety dom zasialaŭsia načalnik astroha, jon zapatrabavaŭ, kab jahonaja kvatera adroźnivałasia ad žylla padnačalenych. U vyniku tolki dla jaho zrabili bałkon, jaki i praisnavaŭ da našych dzion.
Ale, budziem spadziavacca, heta nie kaniec bałkona: dom na vulicy Vaładarskaha, 4 sapraŭdy maje status historyka-kulturnaj kaštoŭnaści i ź jaho ściany ŭžo tyrčać dva novyja mietaličnyja švielery, jakija pasłužać aporaj dla novaj bałkonnaj plity. Zaraz tut pravodzicca zapłanavany kapitalny ramont.
Lehienda častkova maje pad saboj histaryčny hrunt. Hety dom sapraŭdy ciesna źviazany z historyjaj sumnaviadomaha turemnaha zamka (Vaładarki), raźmieščanaha pobač. Jak śviedčyć histaryčnaja daviedka, budynak byŭ uźviedzieny ŭ 1890‑ia jak žyły dom dla administracyi minskaj turmy. Jaho pabudavali za miežami asnoŭnaj turemnaj aharodžy. Na pieršym paviersie tady znachodziłasia vialikaja čatyrochpakajovaja kvatera samoha načalnika turmy Iosifa Volana, a taksama kvatery jaho pamočnikaŭ.
Pieršapačatkova budynak byŭ dvuchpaviarchovym i nieatynkavanym, a jaho cahlanaja muroŭka imitavała rust i mieła bahaty dekor, adnak u siaredzinie XX stahodździa da jaho nadbudavali treci pavierch i patynkavali, značna spraściŭšy pieršapačatkovy vyhlad. Mahčyma, što i bałkon nie byŭ adzinym na fasadzie, prosta inšyja nie dajšli da našaha času.
«Naša Niva» — bastyjon biełaruščyny
PADTRYMAĆCiapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje19
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary