KDB aryštavaŭ dziasiatki kvater u «Domie Čyža», u tym liku žyllo treniera frystajlistaŭ Mikałaja Kazieki
Kamitet dziaržaŭnaj biaśpieki praciahvaje rasśledavańnie kryminalnaj spravy ŭ dačynieńni biznesmiena Juryja Čyža i jahonaj kampanii «Trajpł».
Jak stała viadoma «Našaj Nivie», u jaho ramkach byli aryštavanyja aktyvy «Trajpła». Pastanova ab nakładańni aryštu była vyniesiena 28 sakavika 2016 hoda.
Adzin z aktyvaŭ — znakamity «Dom Čyža» kala Trajeckaha pradmieścia. U im zastavalisia nieraspradadzienyja 27 kvater — ad adnapakajovak płoščaj 55m2 da vialikich apartamientaŭ płoščaj kala 300 m2.
Hetyja kvatery byli ŭ zakładzie biełaruskich bankaŭ. Nieruchomaść dazvalała Čyžu atrymlivać kredyty. Vyhladaje, što addavać ich svoječasova jon nie moh.
Naprykład, u vieraśni 2013 hoda «Trajpł» adkryŭ u «Bielinviestbanku» kredytnuju liniju na $10 miljonaŭ. Hrošy musili być viernutyja da 31 śniežnia 2015 hoda. Adnak za dzień da skančeńnia terminu Čyžu ŭdałosia pierapadpisać damovu — jon abaviazaŭsia spłacić $10,2 miljona, ale ŭ pačatku 2017 hoda.
Bank VTB vydaŭ Čyžu pad zakład nieruchomaści 7,6 miljona jeŭra, a inšaj damovaj — jašče $3 miljony.
Amal usie aryštavanyja kvatery nie mieli haspadaroŭ, i pa papierach jašče naležali «Trajpłu». Adzinaje vyklučeńnie — trenier frystajlistaŭ Mikałaj Kazieka i jaho žyllo.
Mikałaj Kazieka — heta toj samy trenier, vučni jakoha zavajavali na zimovych Alimpijadach šeść miedaloŭ, u tym liku try załatyja. Niekatoryja ź ich, Ała Cupier i Anton Kušnir, atrymali kvatery ŭ domie «La Trajeckaha» ŭ padarunak ad Juryja Čyža. A dla ich treniera było vyrašana zrabić źnižku.
Doŭhi čas žyllo ŭ «Domie Čyža» pradavałasia pa $3000 za kvadratny mietr. Praz kryzis ceny na nieruchomaść abvalilisia, i «Trajpł» źniziŭ canu na reštu niepradadzienych kvater da $2000.
Ale dla Mikałaja Kazieki letaś było zroblena vyklučeńnie. Čyž pahadziŭsia pradać jamu kvateru płoščaj 105 kvadratnych mietraŭ u rasterminoŭku ŭsiaho pa $1000 za mietr. Trenier musiŭ kančatkova vypłacić hrošy da siaredziny 2018 hoda. Da taho času pravaŭłaśnikam zastavaŭsia «Trajpł». Kali KDB zaniaŭsia majomaściu «Trajpła», pad aryšt trapiła i kvatera Kazieki.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary