Upała 488 drevaŭ, paškodžana 15 aŭtamabilaŭ — nastupstvy ŭčorašniaj stychii
Vyratavalniki likvidujuć nastupstvy niepahadzi.
U vyniku mocnaha vietru z paryvami da 24 m/s, jaki prajšoŭ 22 žniŭnia, u Hrodzienskaj vobłaści paškodžanyja dachi 1 žyłoha doma, 8 sielskahaspadarčych i 2 administracyjnych budynkaŭ, u Minskaj vobłaści — 1 žyłoha doma i 2 sielskahaspadarčych budynkaŭ, paviedamlaje MNS.
U vyniku padzieńnia dreŭ u Minskaj vobłaści traŭmavanyja dvoje dziaciej.
Kala Niaśviža paciarpieŭ 12‑hadovy chłopčyk, jon špitalizavany.
Kala v. Markaŭščyna Minskaha rajona paciarpieŭ dziesiacihadovy chłopčyk. Paśla akazańnia miedycynskaj dapamohi va ŭstanovie achovy zdaroŭja jon nakiravany na ambułatornaje lačeńnie.
Zafiksavana 488 vypadkaŭ padzieńnia dreŭ: u Bresckaj (27), Viciebskaj (59), Hrodzienskaj (134), Minskaj (233), Mahiloŭskaj (8) abłaściach i ŭ Minsku (27).
Drevami paškodžanyja 15 lehkavych aŭtamabilaŭ: u Bresckaj (2), Hrodzienskaj (3), Viciebskaj (4), Minskaj (4) abłaściach i ŭ Minsku (2). Supracoŭniki MNS i inšych arhanizacyj pravodzili raboty pa raśpiłoŭvańni i ŭborcy pavalenych dreŭ.
Praź niepahadź pieryjadyčna parušałasia elektrazabieśpiačeńnie. Adklučeńni apieratyŭna likvidujucca avaryjnymi bryhadami.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary