Illa Dabratvor vystupiŭ sa svaimi telezvarotam pa STV jak kandydat u deputaty ad BNF pa Sienickaj akruzie Minskaj vobłaści.
Dabratvor pačaŭ z taho, što lubić svaju krainu i siamju.
— Heta ŭžo niamała. Dla taho, kab nam z vami žyłosia lepš, kožny z nas pavinien pačać ź siabie.
Dabratvor paabiacaŭ uvažliva razhladać i vykonvać usie zakonnyja patrabavańni svaich vybarščykaŭ.
— Ja naniaty vami na pracu, ja taki ž, jak vy, ja — adzin z vas.
Paśla palityk vystupiŭ suprać kantraktnaj sistemy, jakuju nazvaŭ «sučasnym vyhladam rabstva».
Na dumku Dabratvora, jeŭrapiejskamu vybaru Biełarusi niama alternatyvy.
— Ja - baćka piaciarych dziaciej, padtrymka instytuta siamji — maja pieršačarhovaja zadača.
Biełaruskuju movu i kulturu pradstaŭnik BNF nazvaŭ padmurkam, na jakim budujecca ŭsia kraina. Vystupaŭ jon, adnak, pa-rusku.
— Sam ja razmaŭlaju pa-biełarusku i maru, što vielmi chutka ŭ nas u krainie biełaruskuju movu možna budzie čuć paŭsiul. Pry hetym ja suprać hvałtoŭnaj i brutalnaj biełarusizacyi. My z vami dosyć razumnyja, kab pa ŭłasnaj inicyjatyvie adradzić našu kulturu.
Zhodna sa słovami Dabratvora, jon jak indyvidualny pradprymalnik viedaje prablemy biznesu. Siarod ich jon nazvaŭ biurakratyju.
— Zavody zakryvajucca abo pracujuć u stratu, kraina apuskajecca ŭ zastoj i apatyju. Ekanamičnyja reformy niepaźbiežnyja. Nie treba dapamahać biznesu, prosta nie pieraškadžajcie nam pracavać.
Kandydat ad BNF vystupiŭ za bajazdolnuju, prafiesijnuju armiju: «Abarona radzimy pavinna stać nie tolki prestyžnaj, ale i vyhadnaj».
Dabratvor padtrymaŭ ideju pryvatnaj ułasnaści na ziamlu, zajaviŭ ab nieabchodnaści refarmavać sistemu achovy zdaroŭja i adukacyi.
— Maje dzieci chodziać u zvyčajny sadok, u zvyčajnuju škołu. Tamu ja viedaju, što takoje naša biaspłatnaja adukacyja i kolki jana kaštuje realna baćkam.
Palityk zaklikaŭ da «kantrolu nad milicyjaj», kab vyrašyć prablemu «sadystaŭ u pahonach».
— Ja małady i poŭny sił, a maje kankurenty staryja i abciažaranyja admoŭnym dośviedam.
Vytrymki z vystupaŭ jaho kankurentaŭ — lidaraŭ praŭładnych partyj Mikałaja Ułachoviča i Vasila Zadniapranaha — možna pračytać tut.
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali1
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2020
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ20
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary