Mužčynu, jaki zabiŭ žonku, sud pazbaviŭ prava na spadčynu pa joj
Pa pazovie prakurora Mazyrskaha rajona sud pryznaŭ mužčynu, asudžanaha za zabojstva svajoj žonki, niavartym spadčyńnikam i pazbaviŭ jaho prava atrymać pa joj spadčynu, paviedamiła prakuratura Homielskaj vobłaści.
U žniŭni 2025 hoda sudovaja kalehija pa kryminalnych spravach Homielskaha abłasnoha suda pryznała mužčynu vinavatym u zabojstvie žonki z asablivaj žorstkaściu. Jamu byŭ vyniesieny prysud pavodle adpaviednaha artykuła Kryminalnaha kodeksa.
Paśla śmierci žančyny było adkryta spadčynnaje spravavodstva. U skład spadčyny ŭvachodziła kvatera ŭ rabočym pasiołku Balšavik Homielskaha rajona.
Troje dziaciej zahinułaj žančyny, dvoje ź jakich niepaŭnaletnija, źviarnulisia z zajavami ab vydačy paśviedčańniaŭ na prava atrymańnia spadčyny. Adnak pakolki asudžany muž byŭ zarehistravany ŭ hetaj kvatery i ŭvachodziŭ u skład siamji, pavodle zakonu jon aŭtamatyčna ličyŭsia adnym sa spadčyńnikaŭ.
Uličvajučy, što śmierć žančyny stała vynikam naŭmysnych supraćpraŭnych dziejańniaŭ jaje muža, prakuror Mazyrskaha rajona źviarnuŭsia ŭ sud Homielskaha rajona z patrabavańniem pryznać mužčynu niavartym spadčyńnikam i adchilić jaho ad atrymańnia spadčyny.
Sud zadavoliŭ patrabavańni prakuratury ŭ poŭnym abjomie. Rašeńnie ŭžo nabyło zakonnuju siłu. Mužčyna straciŭ prava atrymać u spadčynu majomaść svajoj zahinułaj žonki.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary