Rasijski kanał nazvaŭ hienierała, jakoha chavali ŭ Maskvie. Ale pamyliŭsia
Telehram-kanał «VČK-OHPU», jaki raniej paviedamlaŭ pra patajemnaje pachavańnie niejkaha hienierała na Trajakuraŭskich mohiłkach u Maskvie, nazvaŭ jahonaje imia i proźvišča. Pa ich infarmacyi, pachavali 53‑hadovaha Ihara Jerusalimava. Ale inšyja vydańni heta źniapraŭdzili.
U abjavie pra raźvitańnie čałavieka nazyvali «hierojem śpiecyjalnaj vajennaj apieracyi», ale biez paznačeńnia pasady.
Telehram-kanał «VČK-OHPU» pryjšoŭ da vysnovy, što zahinuły — hienierał-lejtenant Ihar Jerusalimaŭ i što jon moh być siabram hałoŭnakamandujučaha Pavietrana-kaśmičnymi siłami Rasii hienierała Alaksandra Čajko i prysutničaŭ na śviatkavańni jaho 55‑hodździa ŭ restaranie Balzi Rossi.
Ale 5 žniŭnia vydańnie «Viorstka» zmahło datelefanavacca pa numary Jerusalimava — čałaviek na inšym kancy drotu adhuknuŭsia na heta imia i paprasiŭ «ničoha pra jaho nie pisać».
Žurnalisty taksama vyśvietlili, što Telegram-akaŭnt, ź jakoha raspaŭsiudzili navinu ad imia dački hienierała, byŭ stvorany zusim niadaŭna i maje prykmiety falsifikacyi. Sapraŭdny akaŭnt dački Jerusalimava isnuje z 2021 hoda i vyhladaje inakš.
Vybuch u restaranie Balzi Rossi ŭ Maskvie adbyŭsia ŭviečary 1 žniŭnia. Spačatku paviedamlałasia, što pryčynaj mahła być uciečka hazu, ale paźniej Nacyjanalny antyterarystyčny kamitet Rasii zajaviŭ, što ŭ restaranie spracavała vybuchovaje prystasavańnie, jakoje žančyna sprabavała zanieści pad vyhladam padarunka.
U vyniku vybuchu zahinuli piać čałaviek, jašče nie mienš za 19 atrymali ranieńni.
Pavodle nieaficyjnaj infarmacyi, mahčymaj cellu dla napadu moh być sam hienierał Alaksandr Čajko, jakoha ŭkrainskija ŭłady abvinavačvajuć u datyčnaści da vajennych złačynstvaŭ u Bučy. Jahony stan paśla vybuchu nieviadomy. Paviedamlajecca, što padčas incydentu zahinuŭ jaho ziać Daniił Pieradryj, a 25‑hadovaja dačka Maryja Čajko mahła atrymać ranieńni.
U Maskvie paśla vybuchu ŭ restaranie Balzi Rossi prajšło patajemnaje pachavańnie hienierała
Paćvierdziłasia hibiel ziacia rasijskaha hienierała pry vybuchu ŭ restaranie ŭ Maskvie
MZS Rasii dało niečakanaje tłumačeńnie vybuchu ŭ maskoŭskim elitnym restaranie
Pry vybuchu ŭ Maskvie paciarpieła, padobna, dačka rasijskaha hienierała, jaki kamandavaŭ nastupam na Kijeŭ
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Kamandujučy Pavietranymi siłami Rasii Čajko žyvy. Z troch zahinułych pry vybuchu ŭ elitnym restaranie ŭ Maskvie tolki adzin — naviedvalnik
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary